ໃນວັນທີ 8 ສິງຫາທີ່ຜ່ານມາ ໄດ້ເກີດມີເຫດການໄຟໄໝ້ປ່າຢ່າງຮຸນແຮງທີ່ເກາະມວຍ (Maui), ລັດຮາວາຍ (Hawaii) ຂອງສະຫະລັດອາເມຣິກາ, ໂດຍມີເມືອງລາໄຮນາ (Lahaina) ເປັນຈຸດທີ່ໄດ້ຮັບຜົນກະທົບຫຼາຍທີ່ສຸດຈາກການລຸກລາມຂອງໄຟປ່າຄັ້ງນີ້. ໂດຍເຫດການດັ່ງກ່າວ ແມ່ນຖືເປັນເຫດການໄຟໄໝ້ທີ່ເກີດຈາໄພພິບັດທຳມະຊາດທີ່ຮ້າຍແຮງທີ່ສຸດໃນຮອບ 100 ປີ; ອີກທັງຍັງມີຕົວເລກຈໍານວນຜູ້ເສຍຊີວິດຫຼາຍກວ່າເຫດການສຶນະມິໃນປີ 1960 ທີ່ມີຜູ້ເສຍຊີວິດ 61 ຄົນ, ແຕ່ໃນຄັ້ງນີ້ແມ່ນມີຕົວເລກຜູ້ເສຍຊີວິດຫຼາຍກວ່າ 100 ຄົນທີ່ຖືກຢືນຢັນ ແລະ ຍັງມີຫຼາຍກວ່າ 1300 ຄົນທີ່ຍັງຄົງຫາຍສາບສູນ ແລະ ຢູ່ໃນລະຫວ່າງການຄົ້ນຫາ.

ການປ່ຽນແປງສະພາບພູມອາກາດຂອງໂລກໃນປັດຈຸບັນແມ່ນໄດ້ສົ່ງຜົນຕໍ່ວັດທະຈັກຂອງນໍ້າ ກໍຄືຂະບວນການລະເຫີຍກາຍເປັນອາຍນໍ້າຂຶ້ນເທິງຟ້າ ແລະ ການຄວບແໜ້ນກາຍເປັນຝົນ ເລີ່ມມີການໝູນວຽນເປັນວົງຈອນຢ່າງວ່ອງໄວ ແລະ ມີທ່າອ່ຽງຮຸນແຮງຂຶ້ນເລື້ອຍໆ. ແຫຼ່ງນໍ້າຈືດກໍຍິ່ງຈະຈືດຂຶ້ນ ສ່ວນແຫຼ່ງນໍ້າເຄັມກໍຍິ່ງຈະເຄັມຂຶ້ນ, ພ້ອມທັງສົ່ງຜົນເຮັດໃຫ້ພື້ນທີ່ທີ່ປະສົບກັບໄພແຫ້ງແລ້ງແມ່ນຈະຂາດແຄນນໍ້າຍິ່ງກວ່າເກົ່າ. ເຂດຮ້ອນຊຸ່ມມໍລະສຸມຈະມີພາຍຸຮຸນແຮງກວ່າເກົ່າ ແລະ ຄວາມສ່ຽງທີ່ຈະເກີດອຸທົກກະໄພຮ້າຍແຮງກໍຍິ່ງເພີ່ມຂຶ້ນ.

ໃນວັນທີ 28 ເມສາ 2022 ຊ່ວງເວລາ 14:00 - 15:00 ຢູ່ນະຄອນໄກສອນ, ແຂວງສະຫວັນນະເຂດ. ເກີດມີເຫດຝົນຕົກ, ລົມແຮງ, ຟ້າຮ້ອງ ຟ້າເຫຼືອມ ແລະມີ ໝາກເຫັບຕົກບາງເຂດ.

ນັກວິທະຍາສາດປະຈຳ NASA ອອກມາປະທ້ວງການນຳໃຊ້ພະລັງງານຖ່ານຫີນ. ວັນທີ 6 ເມສາ ທີ່ຜ່ານມາມີກຸ່ມນັກວິທະຍາສາດສິ່ງແວດລ້ອມປະຈຳ NASA ເຊິ່ງນຳພາໂດຍສາດສະດາຈານ ປີເຕີ ຄາລມັສ (Peter Kalmus) ນັກວິທະຍາສາດພູມອາກາດ, ພ້ອມດ້ວຍກຸ່ມນັກເຄື່ອນໄຫວສິ່ງແວດລ້ອມ ໄດ້ອອກມາປະທ້ວງຢູ່ຕໍ່ໜ້າທະນາຄານເຊສ (Chase Bank) ສາຂາ ລອສແອງເຈີລິສ, ລັດແຄລິຟໍເນຍ, ສະຫະລັດອາເມລິກາ. ເພື່ອຕໍ່ຕ້ານເລື່ອງການອະນຸມັດການສ້າງໂຮງງານເຜົາຖ່ານຫີນມາເປັນພະລັງງານໄຟຟ້າ ເພາະມັນ ເປັນປັດໄຈຫຼັກໃນການປ່ອຍກາສເຮືອນແກ້ວສູ່ຊັ້ນບັນຍາກາດ ແລະ ເປັນສາເຫດຕົ້ນຕໍຂອງປາກົດການປ່ຽນແປງດິນຟ້າອາກາດ

ເກີດເຫດແຜ່ນດິນໄຫວຢ່າງຮຸນແຮງໃນວັນພຸດ 16 ມີນາ 2022 ເວລາ 23:36 ໂມງ, ທີ່ເມືອງ ຟຸກຸຊິມາ ແລະ ມິຍາກິ ປະເທດ ຍີ່ປຸ່ນ. ພົບວ່າຄວາມເສຍຫາຍໃນຄັ້ງນີ້ແມ່ນມີຜູ້ເສຍຊີວິດຢູ່ 4 ຄົນ, ບາດເຈັບ 97 ຄົນ, ແລະ ປະຊາຊົນຫຼາຍກວ່າ 2 ລ້ານຄົວເຮືອນ ແມ່ນບໍ່ມີໄຟຟ້າໃຊ້.

ລະບົບນິເວດປ່າໄມ້ຈະສາມາດຟື້ນຟູ ແລະ ເຕີບໃຫຍ່ເອງໄດ້ອີກຄັ້ງ, ເຊິ່ງເຕີບໃຫຍ່ໄວກວ່າການປູກປ່າທົດແທນຈາກມະນຸດ. ໂດຍກຸ່ມນັກວິໄຈຈາກນາໆຊາດ ກໍໄດ້ຢັ້ງຢືນວ່າຫາກມະນຸດບໍ່ມີການບຸກລຸກພື້ນທີ່ປ່າໄມ້ ແລະ ບໍ່ມີການລົບກວນພື້ນທີ່ດັ່ງກ່າວ ປ່າໄມ້ຈະສາມາດຂະຫຍາຍໂຕໄດ້ເອງຢ່າງອຸດົມສົມບູນພາຍໃນເວລາ 20ປີ, ເພາະມີກົນໄກຈາກທໍາມະຊາດທີ່ພືດ ແລະ ສັດປ່າໃນແຫຼ່ງດັ່ງກ່າວເປັນໂຕຊ່ວຍກະຕຸ້ນໃຫ້ພືດຂະຫຍາຍໂຕ.