ອົງການຕິດຕາມກວດກາແຜ່ນດິນໄຫວຂອງໄຕ້ຫວັນໄດ້ໃຫ້ຄວາມແຮງເປັນ 7.2 ໃນຂະນະທີ່ອົງການສໍາຫຼວດທໍລະນີສາດສະຫະລັດອາເມຣິກາໃຫ້ເປັນ 7.4. ມັນໄດ້ໂຈມຕີປະມານ 18 ກິໂລແມັດ (11.1 ໄມ) ທິດຕາເວັນຕົກສຽງໃຕ້ຂອງ ເມືອງ ຮົວລຽນ ແລະ ເລິກປະມານ 35 ກິໂລແມັດ (21 ໄມ). ເກີດແຜ່ນດິນໄຫວຫຼາຍຄັ້ງຕາມມາ ແລະ USGS ກ່າວວ່າ ແຜ່ນດິນໄຫວທີ່ເກີດຂຶ້ນ ຄັ້ງຕໍ່ມາແມ່ນ 6.5 ຣິກເຕີ ແລະ ເລິກ 11.8 ກິໂລແມັດ. ແຜ່ນດິນໄຫວຕື້ນມີແນວໂນ້ມທີ່ຈະເຮັດໃຫ້ເກີດຄວາມເສຍຫາຍຫຼາຍດ້ານ.

ບັນດາອາຄານຕຶກ 5 ຊັ້ນໃນເມືອງ ຮົວລຽນ ປະກົດວ່າໄດ້ຮັບຄວາມເສຍຫາຍຢ່າງໜັກ, ໄດ້ພັງລົງມາຊັ້ນໜຶ່ງ ແລະ ເຮັດໃຫ້ສ່ວນທີ່ເຫຼືອນອນຢູ່ໃນມຸມ 45 ອົງສາ. ກະເບື້ອງໄດ້ຕົກລົງມາຈາກຕຶກເກົ່າ ແລະ ໃນອາຄານຫ້ອງການໃຫມ່ບາງແຫ່ງ, ໂຮງຮຽນໄດ້ຍົກຍ້າຍນັກຮຽນຂອງພວກເຂົາໄປທີ່ສະຫນາມກິລາ ແລະ ໃຫ້ພວກເຂົາໃສ່ຫມວກກັນກະທົບ. ບາງຄົນຍັງປົກຫຸ້ມດ້ວຍປຶ້ມແບບຮຽນເພື່ອປ້ອງກັນສິ່ງຂອງທີ່ຕົກໃນຂະນະທີ່ເກີດແຜ່ນດິນໄຫວ ແລະ ມີລາຍງານວ່າກະແສໄຟຟ້າດັບໃນຫຼາຍພື້ນທີ່.

ການລາຍງານຈາກເຈົ້າໜ້າໄດ້ກ່າວວ່າ: ມີຜູ້ເສຍຊີວິດຢ່າງໜ້ອຍ 4 ຄົນ ແລະ ມີຜູ້ບາດເຈັບອີກຫຼາຍສິບຄົນຈາກເຫດການແຜ່ນດິນໄຫວ ແລະ ໜັງສືພິມ United Daily News ທ້ອງຖິ່ນລາຍງານວ່າ ມີນັກຍ່າງປ່າ 3 ຄົນເສຍຊີວິດ ໃນເຫດດິນເຈື່ອນໃນອຸທະຍານແຫ່ງຊາດ ທາໂຣໂກ ໃກ້ກັບຈຸດສູນກາງຂອງແຜ່ນດິນໄຫວນອກຊາຍຝັ່ງ.

ໄພພິບັດທາງທຳມະຊາດໃນຄັ້ງນີ້ ກໍຕ້ອງໄດ້ມີການເຝົ້າລະຫວັງ ແລະ ການຮ່ວມມືກັນຂອງເຈົ້າໜ້າທີ່ເຂົ້າໃຫ້ການຊ່ວຍເຫຼືອ, ໂດຍກົມອຸຕຸນິຍົມວິທະຍາໄຕ້ຫວັນໄດ້ປະກາດເຕືອນໄພ ສຶນາມິ, ພ້ອມເຕືອນໃຫ້ປະຊາຊົນທີ່ອາໄສຢູ່ບໍລິເວນຊາຍຝັ່ງໃຫ້ລະວັງຄື້ນສຶນາມິລະດັບສູງ, ທາງສຳນັກງານອຸຕຸນິຍົມວິທະຍາຂອງຍີ່ປຸ່ນ ປະກາດແຈ້ງເຕືອນ ສຶນາມິ ຢູ່ທີ່ເກາພມິຍາໂຄຈິມາ ແລະ ເກາະໂອນິກາວາ ທີ່ຢູ່ທາງພາກໃຕ້ຂອງປະເທດຍີ່ປຸ່ນ ຄາດວ່າຈະມີຄື້ນລະດັບສູງປະມານ 3 ແມັດຊັດເຂົ້າຊາຍຝັ່ງ ແລະ ໃນຄະນະດຽວກັນກໍເຕືອນໃຫ້ປະຊາຊົນເລັ່ງອົບພະຍົບຈາກບໍລິເວນພື້ນທີ່ຊາຍຝັ່ງເກາະໂອນິກາວາ.

ຂໍ້ມູນອ້າງອີງ: https://www.cnbc.com/.../03/taiwan-earthquake-updates.html

#econewslaos #Taiwan #earthquake #NaturalDisaster