ການລ່າ ແລະ ຊື້-ຂາຍ ສັດປ່າ ແມ່ນຜິດກົດໝາຍ ສປປ. ລາວ
ເຖິງຢ່າງໃດກໍຕາມ ໃນປະຈຸບັນ ເຮົາຍັງພົບເຫັນການ ຊື້-ຂາຍ ສິນຄ້າປະເພດນີ້ຢູ່ ບໍ່ວ່າຈະເປັນ ບາງຕະຫຼາດໃນຕ່າງແຂວງ ແລະ ແຄມເສັ້ນທາງລະຫວ່າງແຂວງ. ລ່າສຸດໄດ້ມີການພົບເຫັນວ່າມີການ ຊື້-ຂາຍ ສັດປ່າ ຢ່າງເປີດແປນຜ່ານຫຼາຍໆກຸ່ມທາງ ເຟສບຸກ ເຊິ່ງເປັນຊື່ກາງສື່ອອນລາຍທີ່ຄົນລາວສ່ວນຫຼາຍນຳໃຊ້.
ສັດທີ່ພົບເຫັນວ່າມີການຊື້-ຂາຍໃນຊ່ອງທາງດັ່ງກ່າວລ້ວນແຕ່ເປັນສັດປ່າ ທີ່ຢູ່ໃນບັນຊີ ສັດນໍ້າ-ສັດປ່່າ ປະເພດຫວງຫ້າມ ປະເພດ 1 ແລະ 2 ເຊັ່ນ ແມວໂພງ, ເຫງັນ, ລີງ, ບ່າງລົ້ວ, ນາກ, ເໝັ້ນ ເປັນຕົ້ນ.
ທັງນີ້, ຜູ້ຕິດຕາມ Econews ບາງທ່ານໄດ້ບອກວ່າ ໄດ້ມີການຮຽກຮ້ອງໄປຫຼາຍໜ່ວຍງານທີ່ກ່ຽວຂ້ອງ ແຕ່ກຸ່ມດັ່ງກ່າວກໍຍັງມີຢູ່ ແລະ ປະກົດມີຄົນມາໂພສຂາຍຢູ່ເລື່ອຍໆ.
ຫາກທ່ານພົບເຫັນການຊື້-ຂາຍ ສັດປ່າ ຜິດກົດໝາຍ ສາມາດແຈ້ງ 1601 ໄດ້ຕະຫຼອດເວລາ ແລະ ທຸກມື້.
ເບິ່ງເພີ່ມຕື່ມ: https://lctwildlife.org/contact/#econewslaos#wildlife#wildlifetrade