ໂດຍດັດຊະນີ EPI ປີ 2024 ໃຊ້ຕົວຊີ້ວັດ 58 ຕົວໃນ 11 ໝວດໝູ່ເພື່ອປະເມີນປະສິດທິພາບຂອງບັນດາປະເທດຕ່າງໆ ເຊິ່ງຕົວຊີ້ວັດເຫຼົ່ານີ້ກວມເອົາປະເດັນຫຼັກໆດັ່ງນີ້:
ການຫຼຸດຜ່ອນການປ່ອຍອາຍກ໊າດເຮືອນແກ້ວ: ການປະເມີນການຫຼຸດຜ່ອນການປ່ອຍອາຍກ໊າດທີ່ມີຜົນກະທົບຕໍ່ສະພາບອາກາດ.
ການນໍາໃຊ້ພະລັງງານໝູນວຽນ: ການປະເມີນການນໍາໃຊ້ພະລັງງານຈາກແຫຼ່ງທີ່ຍືນຍົງ.
ການຈັດການຊັບພະຍາກອນທຳມະຊາດ: ການປະເມີນການອະນຸລັກ ແລະ ການນຳໃຊ້ຊັບພະຍາກອນທຳມະຊາດຢ່າງມີປະສິດທິພາບ.
ສຸຂະພາບສິ່ງແວດລ້ອມ: ການປະເມີນຄຸນນະພາບອາກາດ, ນໍ້າ ແລະ ການຈັດການສິ່ງເສດເຫຼືອ.
ຈາກຂໍ້ມູນຂອງ Environmental Performance Index (EPI) ໄດ້ຈັດ 10 ອັນດັບປະເທດ ຈາກ 180 ປະເທດ ທີ່ມີປະສິດທິພາບດ້ານສິ່ງແວດລ້ອມທີ່ດີທີ່ສຸດ ປີ 2024 ໄດ້ແກ່:
ປະເທດເອສໂຕເນຍ (Estonia) - 75.3 / 100 ຄະແນນ. ແນວທາງປະຕິບັດທີ່ດີທີ່ສຸດ: ການໃຊ້ພະລັງງານໝູນວຽນ ແລະ ການຈັດການຊັບພະຍາກອນທຳມະຊາດແບບຍືນຍົງ.
ປະເທດລັກເຊມເບີກ (Luxembourg) - 75.0 / 100 ຄະແນນ. ແນວທາງປະຕິບັດທີ່ດີທີ່ສຸດ: ການຫຼຸດຜ່ອນການປ່ອຍອາຍກ໊າດເຮືອນແກ້ວ ແລະ ການສົ່ງເສີມການໃຊ້ພະລັງງານສະອາດ.
ປະເທດເຢຍລະມັນ (Germany) - 74.6 / 100 ຄະແນນ. ແນວທາງປະຕິບັດທີ່ດີທີ່ສຸດ: ການພັດທະນາເຕັກໂນໂລຊີສີຂຽວ ແລະ ການຈັດການຂີ້ເຫຍື້ອຢ່າງມີປະສິດທິພາບ.
ປະເທດຟິນແລນ (Finland) - 73.7 / 100 ຄະແນນ. ແນວທາງປະຕິບັດທີ່ດີທີ່ສຸດ: ການອະນຸລັກຄວາມຫຼາກຫຼາຍທາງຊີວະພາບ ແລະ ການຈັດການປ່າໄມ້.
ປະເທດອັງກິດ (United Kingdom) - 72.7 / 100 ຄະແນນ. ແນວທາງປະຕິບັດທີ່ດີທີ່ສຸດ: ການຫຼຸດຜ່ອນມົນລະພິດທາງອາກາດ ແລະ ການສົ່ງເສີມການໃຊ້ພະລັງງານໝູນວຽນ.
ປະເທດສະວີເດັນ (Sweden) - 70.5 / 100 ຄະແນນ. ແນວທາງປະຕິບັດທີ່ດີທີ່ສຸດ: ການຈັດການຊັບພະຍາກອນນ້ຳ ແລະ ການຫຼຸດຜ່ອນການປ່ອຍອາຍກ໊າດເຮືອນແກ້ວ.
ປະເທດນໍເວ (Norway) - 70.0 / 100 ຄະແນນ. ແນວທາງປະຕິບັດທີ່ດີທີ່ສຸດ: ການໃຊ້ພະລັງງານໝູນວຽນ ແລະ ການອະນຸລັກຊັບພະຍາກອນທຳມະຊາດ.
ປະເທດອອສເຕຣຍ (Austria) - 69.0 / 100 ຄະແນນ. ແນວທາງປະຕິບັດທີ່ດີທີ່ສຸດ: ການຈັດການຂີ້ເຫຍື້ອ ແລະ ການສົ່ງເສີມການໃຊ້ພະລັງງານສະອາດ.
ປະເທດສະວິດເຊີແລນ (Switzerland) - 68.0 / 100 ຄະແນນ. ແນວທາງປະຕິບັດທີ່ດີທີ່ສຸດ: ການຈັດການຊັບພະຍາກອນນ້ຳ ແລະ ການຫຼຸດຜ່ອນມົນລະພິດທາງອາກາດ.
ປະເທດເດັນມາກ (Denmark) - 67.9 / 100 ຄະແນນ. ແນວທາງປະຕິບັດທີ່ດີທີ່ສຸດ: ການໃຊ້ພະລັງງານໝູນວຽນ ແລະ ການຈັດການຂີ້ເຫຍື້ອຢ່າງຍືນຍົງ.
ດັ່ງນັ້ນ, ການຈັດອັນດັບຂອງແຕ່ລະປະເທດຈຶ່ງສະທ້ອນໃຫ້ເຫັນເຖິງຄວາມມຸ່ງໝັ້ນທີ່ຈະບັນລຸມາດຕະຖານສິ່ງແວດລ້ອມທີ່ດີ, ການຈັດການຊັບພະຍາກອນທໍາມະຊາດ ແລະ ການຫຼຸດຜ່ອນຜົນກະທົບດ້ານສິ່ງແວດລ້ອມຈາກກິດຈະກໍາຂອງມະນຸດເປັນຕົ້ນ.
ແຫຼ່ງຂໍ້ມູນອ້າງອີງ:
