ໃນປະເທດລາວເຮົາເອງ ການນຳໃຊ້ບັນຈຸພັນແບບປລາສຕິກທີ່ນຳໃຊ້ເທື່ອດຽວໃນການເສີບເຄື່ອງດື່ມແມ່ນເຫັນໄດ້ຢ່າງແພ່ຫຼາຍ. ຕາມການລາຍງານຂອງ Plastic Free Laos ຫຼື ກາໝາຍ ສປປ.ລາວ ປາສະຈາກປລາສຕິກ ແມ່ນຄາດວ່າ ມີຈອກ, ຝາຄອບ ແລະ ທໍ່ດູດ ປລາສຕິກ ຖືກນໍາໃຊ້ຢ່າງໜ້ອຍ 200 ຊຸດ ຕໍ່ຮ້ານກາເຟໜຶ່ງໆໃນລາວ.

ທັງນີ້, ເພື່ອເປັນການຮ່ວມແກ້ໄຂບັນຫາຂີ້ເຫຍື້ອປລາສຕິກຈາກການບໍລິການດັ່ງກ່າວ, ທາງກາໝາຍ ສປປ.ລາວ ປາສະຈາກປລາສຕິກ ເຊິ່ງເປັນກາໝາຍຮັບຮອງເອົາທຸລະກິດບໍລິການທີ່ສາມາດປະຕິບັດມາດຕະຖານທີ່ດີໃນການຫຼຸດຜ່ອນປລາສຕິກໃນການບໍລິການ ຮ່ວມກັບສະມາຊິກທັງ 20 ແຫ່ງ ໄດ້ມີການບໍລີການທີ່ໃຫ້ລູກຄ້າສາມາດເຊົ່າຈອກທີ່ໃຊ້ຊໍ້າໄດ້ແທນການສ້າງສິ່ງເສດເຫຼືອໃໝ່ຈາກການບໍລີໂພກແບບເອົາກັບເຮືອນ. ທັງນີ້, ການບໍລິການດັ່ງກ່າງແມ່ນຜ່ານການສະໜັບສະໜູນ ແລະ ຮ່ວມມືກັບໂຄງການ SUSTOUR ຂອງ Lasting Laos ລາວຍືນຍາວ ທີ່ເປັນໂຄງການສົ່ງເສີມການທ່ອງທ່ຽວແບບຍືນຍົງໂດຍອົງກອນ Plan International ປະຈໍາ ສປປ. ລາວ.

ບໍລິການເຊົ່າຈອກດັ່ງກ່າວມີຊື່ວ່າ “ເຊົ່າຈອກເຈົ້າ” ຫຼື Rent Your Cup ທີ່ມີການທົດລອງປະຕິບັດຮອດເດືອນນີ້ ແລະ ຈະເປັນການບໍລິການທີ່ທ່ານສາມາດນຳໃຊ້ໄດ້ຢູ່ຕະຫຼອດໃນຂັ້ນຕໍ່ໄປ. ທັງນີ້, ໂຄງການດັ່ງກ່າວຄາດວ່າຈະເປັນການສົ່ງເສີມແນວຄວາມຄິດ ແລະ ປະຕິບັດການນຳໃຊ້ຊໍ້າ ເຊິ່ງເປັນການປະຕິບັດອັນສໍາຄັນທີ່ສົ່ງເສີມທຸລະກິດແບບໝູນວຽນ, ແລະ ຊ່ວຍໃນການຫຼຸດຜ່ອນສິ່ງເສດເຫຼືອປະເພດປລາສຕິກທີ່ນຳໃຊ້ເທື່ອດຽວໄດ້.

ທ່ານສາມາດເຂົ້າເບິ່ງເພີ່ມຕື່ມໄດ້ທີ່: https://plasticfreelaos.com/rent-your-cup/