"ຂ້ອຍຈະເຮັດໃຫ້ອົງກອນເປັນຜູ້ນໍາໃນການປ່ຽນແປງ ໃນຖານະນັກອອກແບບທີ່ມີຄວາມມັກຮັກໃນສິ່ງນີ້ມາຕະຫຼອດ 13 ປີ, ໃນການຕັດຫຍິບ ຂ້ອຍຈະຂັບເຄື່ອນໂດຍແຟຊັ່ນເພື່ອເປັນຕົວຂັບເຄື່ອນໃນທາງທີ່ດີ. ໃນບໍລິສັດຂອງຂ້ອຍໄດ້ຊ່ວຍຫຼຸດຜ່ອນມົນລະພິດຜ່ານການຫມູນໃຊ້ວັດສະດຸເພື່ອຕັດຫຍິບເຄື່ອງນຸ່ງ; ຂ້ອຍມີການສອນຕັດຫຍິບໃຫ້ກັບແມ່ຍິງທີ່ລອດຈາກຂະບວນການຄ້າມະນຸດ ແລະ ຄວາມຮຸນແຮງໃນຄອບຄົວ. ທີ່ຂ້ອຍເວົ້າມານີ້ກໍເພາະວ່າມັນເປັນເລື່ອງສໍາຄັນຫຼາຍທີ່ເຮົາຕ້ອງລົງທຶນໃຫ້ກັບຄົນ, ກັບຊຸມຊົນ ແລະ ອາໄສສັກກະຍະພາບສະເພາະຂອງແຕ່ລະຄົນໃນການສ້າງຂະບວນການປ່ຽນແປງ. ເຮົາທຸກຄົນມີຄວາມພິເສດ ແລະ ເຮົາຈະເປັນຜູ້ປູກຝັງເມັດພັນເຫຼົ່ານັ້ນ ເພື່ອຜັນປ່ຽນ ແລະ ນໍາພາໄປສູ່ການປ່ຽນແປງ".
ນັ້ນຄືຄໍາຕອບຈາກຜູ້ຊະນະເລີດ Miss Universe ປະຈໍາປີ 2022, R’Bonney Gabriel ຕົວແທນຈາກສະຫະລັດອາເມຣິກາ, ສາວລູກຊອດ ຟິລິບປິນ-ອາເມຣິກາ ຂວັນໃຈກຳມະການ ແລະ ປວງຊົນ. ພ້ອມທັງ, ຍັງເປັນຫນຶ່ງໃນຜູ້ທີ່ພະຍາຍາມຂັບເຄື່ອນການແກ້ບັນຫາສິ່ງແວດລ້ອມ ດ້ວຍແບຣນດ໌ເຄື່ອງນຸ່ງທີ່ເປັນມິດຕໍ່ສິ່ງແວດລ້ອມ "R’Bonney Nola" ອີກດ້ວຍ.
ເສື້ອຜ້າແບຣນດ໌ຂອງ R’Bonney ເປັນເຄື່ອງນຸ່ງທີ່ຜະລິດຈາກເຄື່ອງນຸ່ງທີ່ໃຊ້ແລ້ວນໍາມາຜະລິດໃຫມ່, ນໍາໃຊ້ວັດສະດຸທີ່ສາມາດຫມູນໃຊ້ຄືນໄດ້ໃໝ່ເຊັ່ນ: ຂວດປລາສຕິກ ແລະ ເສັ້ນໄຍທີ່ມາຈາກທຳມະຊາດ; ເຊິ່ງທັງຫມົດນັ້ນ ແມ່ນເຮັດດ້ວຍມື, ນໍາໃຊ້ນະວັດຕະກຳແບບພິເສດ ເພື່ອບໍ່ໃຫ້ເກີດສິ່ງເຫຼືອໃຊ້ຈະຂະບວນການຜະລິດໃຫ້ໄດ້ຫຼາຍທີ່ສຸດ.
ໃນອຸດສາຫະກຳແຟຊັ່ນນັ້ນ ແມ່ນໜຶ່ງໃນສິ່ງທີ່ສ້າງຜົນກະທົບຕໍ່ສິ່ງແວດລ້ອມ, ເພາະ 10% ຂອງກາສກາກບອນທີ່ຖືກປ່ອຍທົ່ວໂລກນັ້ນແມ່ນມາຈາກອຸດສະຫະກຳດັ່ງກ່າວ, ບໍ່ວ່າຈະເປັນຜ້າຝ້າຍ ຫຼື ເສັ້ນໄຍສັງເຄາະ. ສ່ວນເຄື່ອງນຸ່ງທີ່ຖືກໃຊ້ແລ້ວ ກໍຈະຖືກກຳຈັດໂດຍການນໍາໄປເຜົາ ຫຼື ກາຍເປັນຂີ້ເຫຍື້ອຖືກຝັງຖິ້ມຮ່ວມກັບ ຂີ້ເຫຍື້ອປະເພດອື່ນໆ.
ໃນແຕ່ລະປີທົ່ວໂລກ, ຈະມີເສື້ອຜ້ານັບ 82 ລ້ານໂຕນ ຖືກສົ່ງໄປບັນດາປະເທດໂລກທີ 3 ເພື່ອກຳຈັດເຄື່ອງນຸ່ງທີ່ບໍ່ໃຊ້ແລ້ວ ແລະ ຄາດວ່າພາຍໃນປີ 2030 ເສດເຄື່ອງນຸ່ງຈະເພີ່ມຂຶ້ນເຖິງ 134 ລ້ານໂຕນ.
ອ້າງອີງຂໍ້ມູນຈາກ:
