ເພື່ອແກ້ຂໍ້ສົງໄສຈາກະຊາຊົນ, ບໍລິສັດໄຟຟ້າພະລັງນໍ້າ ນໍ້າອູຈໍາກັດຫຼວງພຣະບາງໄດ້ອອກໜັງສືຊີ້ແຈງ ໃນວັນທີ 28 ມີຖຸນາ 2023 ກ່ຽວກັບສະພາບປາຕາຍທີ່ເຂື່ອນນໍ້າອູ 5 ວ່າ ສາເຫດນັ້ນມາຈາກການລະບາຍນໍ້າລະດັບຕໍ່າຂອງເຂື່ອນ ເພື່ອປ້ອງກັນການເກີດອຸທົກກະໄພຊ່ວງລະດູຝົນ ເນື່ອງຈາກວ່າລະດັບນໍ້າໃນອ່າງຂອງເຂື່ອນນໍ້າອູ 5 ນັ້ນມີລະດັບຕໍ່າກວ່າທີ່ຈະໃຊ້ງານໄດ້. ດ້ວຍເຫດນັ້ນ ຈຶ່ງໄດ້ມີການປ່ອຍນໍ້າລະດັບຕໍ່າຂອງເຂື່ອນລົງໄປຍັງເຂື່ອນໄຟຟ້ານໍ້າອູ 4.

ແຕ່ເນື່ອງຈາກວ່ານໍ້າທີ່ກັກເກັບໄວ້ໃນເຂື່ອນໄຟຟ້ານໍ້າອູ 5 ນັ້ນເປັນນໍ້າທີ່ບໍ່ໄຫລ ທີ່ກັກເກັບໄວ້ຕັ້ງແຕ່ປີ 2015 ເປັນຕົ້ນມາ ເປັນນໍ້າທີ່ຢູ່ໃນລະດັບຕໍ່າກວ່າລະດັບນໍ້ານໍ້າຕາຍ (ລະດັບນໍ້າທີ່ຕໍ່າຈົນບໍ່ສາມາດໃຊ້ປັ່ນພະລັງງານໄດ້) ຈຶ່ງມີການຕົກຕະກອນຂອງຊີວະມວນສານສະສົມໄວ້ເປັນເວລາຍາວນານ ເຮັດໃຫ້ການປ່ອຍນໍ້າອອກຈາກເຂື່ອນນີ້ ສົ່ງຜົນກະທົບຕໍ່ສິ່ງມີຊີວິດໃນນໍ້າ ໂດຍສະເພາະປາໄດ້ຮັບຜົນກະທົບ, ລວມໄປເຖິງສົ່ງຜົນຕໍ່ລະບົບນິເວດອ້ອມຂ້າງລວມໄປເຖິງຄວາມປອດໄພ ແລະ ການທໍາມາຫາກິນຂອງປະຊາຊົນອີກດ້ວຍ.

#econewslaos #polution #savenamou #phongsaly

ແຫຼ່ງຂໍ້ມູນອ້າງອີງ:

https://www.facebook.com/photo/?fbid=594960499484416&set=pb.100069114146960.-2207520000

https://www.facebook.com/laonewsdotnet/posts/577715887875834