ຂໍ້ມູນອັບເດດຈາກອົງການອຸຕຸນິຍົມໂລກ (WMO) ທີ່ດໍາເນີນການໂດຍ ສະຫະລາດຊະອານາຈັກອັງກິດ Met Office ກ່າວວ່າໂອກາດທີ່ອຸນຫະພູມໂລກຈະເພິ່ມສູງກວ່າ 1.5°C ໃນໜຶ່ງຂອງຫ້າປີຂ້າງໜ້າແມ່ນບໍ່ເຄີຍສູງກວ່ານີ້ມາກ່ອນ. ການສຶກສາຊີ້ໃຫ້ເຫັນວ່າອຸນຫະພູມລະຫວ່າງປີ 2022 ຫາ ປີ 2026 ຈະຢູ່ລະຫວ່າງ 1.1°C ຫາ 1.7°C. ເນື່ອງຈາກລະດັບອາຍກ໊າສໃນຊັ້ນບັນຍາກາດໄດ້ເພີ່ມຂຶ້ນຢ່າງວ່ອງໄວໃນຊ່ວງ 30 ປີທີ່ຜ່ານມາ, ອຸນຫະພູມຂອງໂລກກໍໄດ້ຕອບສະໜອງໂດຍການເພີ່ມຂຶ້ນເທື່ອລະດັບ.

ທຽບໃສ່ໃນຊ່ວງ 7ປີທີ່ຜ່ານມາການເພີ່ມຂຶ້ນຂອງອຸນຫະພູມຢູ່ທີ່ 1°C ໃນຊ່ວງປີ 2016 ແລະ 2020ນັ້ນ ຖືເປັນປີທີ່ຮ້ອນທີ່ສຸດໃນປະຫວັດສາດ. ນັກວິທະຍາສາດກ່າວວ່າເມື່ອໂລກຮ້ອນຂຶ້ນພຽງ 1°C ໂລກຕ້ອງປະເຊີນກັບຜົນກະທົບທີ່ຮຸນແຮງເຊັ່ນ: ເຫດການໄຟປ່າທີ່ບໍ່ເຄີຍເກີດຂຶ້ນມາກ່ອນໃນອາເມລິກາເໜືອໃນປີທີ່ຜ່ານມາ ຫຼື ຄື່ນຄວາມຮ້ອນທີ່ຮຸນແຮງກໍາລັງເກີດຂຶ້ນໃນອິນເດຍ ແລະ ປາກີສະຖານ.

​ ນັກວິໄຈ Met Office ຍັງຄາດຄະເນວ່າໃນຊ່ວງໜຶ່ງປີຂອງໄລຍະເວລາດັ່ງກ່າວໂອກາດທີ່ອຸນຫະພູມຈະກາຍລະດັບ 1.5°C ແມ່ນມີເຖິງ 48% ຫຼືຢູ່ໃກ້ກັບລະດັບ 50/50. ເຖິງຢ່າງໃດກໍຕາມໃນງານກອງປະຊຸມສະຫະປະຊາຊາດວ່າດ້ວຍການປ່ຽນແປງດິນຟ້າອາກາດ ທີ່ Glasgow ໃນເດືອນພະຈິກຜ່ານມາ ລັດຖະບານໄດ້ໃຫ້ສັນຍາວ່າຈະພະຍາຍາມຮັກສາການເພີ່ມຂຶ້ນຂອງອຸນຫະພູມໃຫ້ຢູ່ໃນເກນ 1.5°C ເພື່ອປ້ອງກັນຜົນກະທົບຈາກພາວະໂລກຮ້ອນທີ່ຈະຕາມມາ.

ແຫຼ່ງທີ່ມາ: https://www.bbc.com/news/science-environment-61383391https://public.wmo.int/.../wmo-update-5050-chance-of...