ງານມະຫາສີມືຫັດຖະກໍາລາວປີນີ້ຍົກປະເດັນໂອ້ລົມເລື່ອງເຄື່ອງນຸ່ງຫົ່ມທີ່ເປັນມິດກັບສິ່ງແວດລ້ອມ ແລະ ຍືນຍົງ
ງານມະຫາສີມືຫັດຖະກໍາລາວປີນີ້ຍົກປະເດັນໂອ້ລົມເລື່ອງເຄື່ອງນຸ່ງຫົ່ມທີ່ເປັນມິດກັບສິ່ງແວດລ້ອມ ແລະ ຍືນຍົງ
04 November, 2021
Share now
🌎 “ ນະວັດຕະກຳ ແລະ ການຜະລິດແບບຍືນຍົງ ” ແມ່ນເປັນອີກຫົວຂໍ້ໜຶ່ງທີ່ຖືກຍົກຂຶ້ນມາໂອ້ລົມ ແລະ ໃຫ້ຄວາມສຳຄັນໃນງານມະຫາກຳສີມືຫັດຖະກຳລາວ ຄັ້ງທີ 20.

ການຜະລິດອຸສາຫະກຳເຄື່ອງນຸ່ງໄດ້ເພີ່ມທະວີຂຶ້ນຫຼາຍໃນ 20 ປິທີ່ຜ່ານມາ ກໍຄືປະມານ 400%, ບໍ່ພຽງແຕ່ແຕ່ຍ້ອນຈຳນວນປະຊາກອນທີ່ເພີ່ມຂຶ້ນເທົ່ານັ້ນ, ແຕ່ຍ້ອນຄວາມຕ້ອງການໃນການຊື້ຕາມກະແສແຟຊັ້ນທີ່ເພີ່ມຂຶ້ນນຳນັ້ນເອງ. ທັງນີ້, ອຸສາຫະກຳປະເພດນີ້ແມ່ນໃຊ້ນໍ້າເປັນອັນດັບ 2 ຂອງໂລກ ແລະ ປ່ອຍກາສກາກບອນດີອົກຊິດຂຶ້ນຊັ້ນບັນຍາກາດ ເຖິງ 10%.

ໄວໆມານີ້, ຄຳວ່າ “Fast Fashion” ກຳລັງເປັນທີ່ເວົ້າເຖິງ ເຊິ່ງມັນກໍຄືການຜະລິດເຄື່ອງນຸ່ງທີ່ເນັ້ນການຕາມກະແສ, ກັອບປີ້ການອອກແບບ, ເນັ້ນຈຳນວນ ແລະ ຄວາມໄວ ແລະ ບໍ່ມີການຜະລິດທີ່ເຮັດໃຫ້ເຄື່ອງນຸ່ງນັ້ນຢູ່ໄດ້ດົນ. ເຄື່ອງນຸ່ງປະເພດນີ້ສ່ວນໃຫຍ່ຈະມີລາຄາຖືກເນື່ອງຈາກມີການໃຊ້ວັດສະດຸທີ່ບໍ່ເປັນມິດຕໍ່ສິ່ງແວດລ້ອມ ແລະ ການຈ້າງງານທີ່ບໍ່ເປັນທຳ. ໃນບົດລາຍງານຄວາມໂປ່ງໃສຂອງຍີ່ຫໍ້ເຄື່ອງນຸ່ງໃນໂລກນີ້ (Brand Transparency Index Report 2021) ລາຍງານວ່າສ່ວນໃຫຍ່ແລ້ວພະນັກງານໃນໂຮງງານຜະລິດເຄື່ອງນຸ່ງປະເພດນີ້ບໍ່ໄດ້ຮັບຄ່າຈ້າງທີ່ບໍ່ພຽງພໍກັບການດໍາລົງຊີວິດຂັ້ນພື້ນຖານ.

ການຊື້ເຄື່ອງນຸ່ງທີ່ມາຈາກທ້ອງຖິ່ນ ແລະ ຫັດຖະກຳທີ່ຜະລິດຈາກວັດຖຸດິບທຳມະຊາດ ແມ່ນມີຜົນດີຕໍ່ສິ່ງແວດລ້ອມຄື:

  • ຫຼຸດຜ່ອນການປ່ອຍກາສເຮືອນແກ້ວຈາກການຂົນສົ່ງວັດຖຸດິບ ແລະ ສິນຄ້າ.

  • ວັດຖຸດິບຈາກທຳມະຊາດບໍ່ປ່ອຍ ອະນຸພາກປລາສຕິກຂະໜາດນ້ອຍ ຫຼື ໄມໂຄຣປລາສຕິກສູ່ທຳມະຊາດ.

  • ມີການຜະລິດວັດຖຸດິບທີ່ເປັນມິດຕໍ່ສິ່ງແວດລ້ອມ ເຊັ່ນ: ບໍ່ມີການໃຊ້ຢາປາບສັດຕູພືດ ແລະ ເລັ່ງຈຳນວນ.

  • ຄຸນະພາບດີ, ໃຊ້ໄດ້ດົນ ແລະ ບໍ່ເປັນຂີ້ເຫຍື້ອອັນຕະລາຍ.

ກ່ອນການຕັດສິນໃຈຊື້ທຸກຄັ້ງ, ໃຫ້ຮັບຮູ້ເຖິງທີ່ມາ, ຜູ້ຜະລິດ ແລະ ແຫຼ່ງຜະລິດ. ສະໜັບສະໜູນຜະລິດຕະພັນທ້ອງຖິ່ນ ແລະ ການຜະລິດເຄື່ອງນຸ່ງແບບຍືນຍົງ (Sustainable Fashion) ນຳກັນ!

ຕິດຕາມງານ ມະຫາກຳສີມືຫັດຖະກຳລາວ ຄັ້ງທີ 20 ໄດ້ທີ່:https://www.facebook.com/LaoHandicraftFestival

Brand Transparency Index 2021:https://www.fashionrevolution.org/about/transparency/

#EconewsLaos#SustainableFashion#FastFashion#Climatechange#NetZeroLao Handicraft Festival

See what people say about this article
Our Sponsor
Ad
Small Ad
Small Ad 2
Small Ad 3
Related Articles
ໄຟໄໝ້ປ່າຮຸນແຮງ ທີ່ເກາະມວຍ, ລັດຮາວາຍຂອງສະຫະລັດອາເມຣິກາ ເຮັດໃຫ້ເມືອງ ລາໄຮນາ ຖືກເຜົາທັ້ງໝົດ.
16 August, 2023
ໄຟໄໝ້ປ່າຮຸນແຮງ ທີ່ເກາະມວຍ, ລັດຮາວາຍຂອງສະຫະລັດອາເມຣິກາ ເຮັດໃຫ້ເມືອງ ລາໄຮນາ ຖືກເຜົາທັ້ງໝົດ.
ໃນວັນທີ 8 ສິງຫາທີ່ຜ່ານມາ ໄດ້ເກີດມີເຫດການໄຟໄໝ້ປ່າຢ່າງຮຸນແຮງທີ່ເກາະມວຍ (Maui), ລັດຮາວາຍ (Hawaii) ຂອງສະຫະລັດອາເມຣິກາ, ໂດຍມີເມືອງລາໄຮນາ (Lahaina) ເປັນຈຸດທີ່ໄດ້ຮັບຜົນກະທົບຫຼາຍທີ່ສຸດຈາກການລຸກລາມຂອງໄຟປ່າຄັ້ງນີ້. ໂດຍເຫດການດັ່ງກ່າວ ແມ່ນຖືເປັນເຫດການໄຟໄໝ້ທີ່ເກີດຈາໄພພິບັດທຳມະຊາດທີ່ຮ້າຍແຮງທີ່ສຸດໃນຮອບ 100 ປີ; ອີກທັງຍັງມີຕົວເລກຈໍານວນຜູ້ເສຍຊີວິດຫຼາຍກວ່າເຫດການສຶນະມິໃນປີ 1960 ທີ່ມີຜູ້ເສຍຊີວິດ 61 ຄົນ, ແຕ່ໃນຄັ້ງນີ້ແມ່ນມີຕົວເລກຜູ້ເສຍຊີວິດຫຼາຍກວ່າ 100 ຄົນທີ່ຖືກຢືນຢັນ ແລະ ຍັງມີຫຼາຍກວ່າ 1300 ຄົນທີ່ຍັງຄົງຫາຍສາບສູນ ແລະ ຢູ່ໃນລະຫວ່າງການຄົ້ນຫາ.