ງານສິລະປະດັ່ງກ່າວແມ່ນຄິດສ້າງໂດຍ ມາກ ໂຄເຮັດ (Mark Coreth) ແລະ ໄດ້ນໍາໄປວາງສະແດງຢູ່ ເມືອງໂຄເປັນຮາເກັນ ປະເທດເດນມາກ (Denmark) ໃນຊ່ວງເວລາໃກ້ໆກັບໄລຍະທີ່ກໍາລັງຈະມີກອງ COP15 ທີ່ປະເທດການາດາ (Canada) ເປັນເຈົ້າພາບ. #ເປັນຫຍັງຈຶ່ງຕ້ອງແມ່ນໝີຂົ້ວໂລກ? ມາກ, ເຈົ້າຂອງຜົນງານດັ່ງກ່າວໄດ້ເລົ່າວ່າ: ລາວໄດ້ຮັບແຮງບັນດານໃຈມາຈາກການທີ່ລາວໄດ້ພົບເຫັນຄວາມປ່ຽນແປງດ້ວຍຕົນເອງ ຈາກການເດີນທາງໄປເກາະ ບາຟິນ (Baffin Island) ປະເທດການາດາ ໃນຊ່ວງປີ 2007 ແລະ ລາວຄິດວ່າຍັງມີຫຼາຍຄົນຍັງບໍ່ໄດ້ສໍາພັດກັບອາກາດໃນອາກຕິກ ລາວຈຶ່ງຢາກສະເໜີໃຫ້ເຫັນພາບຜ່ານຜົນງານແກະສະຫຼັກໝີນໍ້າດັ່ງກ່າວ. ນອກຈາກນີ້ແລ້ວ, ໝີຂົ້ວໂລກຍັງເປັນສັດຊະນິດໜຶ່ງທີ່ສ່ຽງຕໍ່ການສູນພັນ ຫາກແຫຼ່ງທີ່ຢູ່ອາໄສຂອງມັນທີ່ເປັນຜືນແຜ່ນນໍ້າກ້ອນໄດ້ລະລາຍໝົດໄປ. #ແລ້ວເປັນຫຍັງເຮົາຈຶ່ງຕ້ອງໃສ່ໃຈສະພາບໃນຂົ້ວໂລກໃນປັດຈຸບັນ? ພື້ນທີ່ປົກຫຸ້ມຂອງນໍ້າກ້ອນໃນມະຫາສະຫມຸດອາກຕິກໃນປັດຈຸບັນ ໄດ້ບາງລົງເຖິງ 45% ນັບຕັ້ງແຕ່ຊຸມປີ 1970, ສູນເສຍເຖິງ 70% ຂອງປະລິມານພື້ນທີ່ຫຼາຍກວ່າທີ່ຜ່ານມາ ແລະ ຄາດວ່າຈະລະລາຍໝົດໄປໃນເວລາບໍ່ເຖິງ 30 ປີ. ຜົນກະທົບທາງລົບຕໍ່ຄົນ ແລະ ສັດທີ່ອາໄສຢູ່ໃນອາກຕິກ ອາດຈະມີຫຼາຍກວ່າຜົນດີທີ່ເກີດຈາກການທີ່ອຸນຫະພູມຮ້ອນຂຶ້ນ; ຍ້ອນວ່າການປ່ຽນແປງຂອງດິນຟ້າອາກາດດັ່ງກ່າວນີ້ ພວມຂົ່ມຂູ່ທີ່ຈະທໍາລາຍລະບົບນິເວດ ແລະ ວັດທະນະທໍາທີ່ສືບສ້າງມາເປັນເວລາຫຼາຍພັນປີ. #econewslaos #climatechange ແຫຼ່ງຂໍ້ມູນອ້າງອີງ: https://wwf.panda.org/.../past_events/cop_15/icebearproject/ https://www.facebook.com/1645801842334096/posts/pfbid094qH8FUc8WpiG4dT7VpKnf3TeWexQZHRsZrNWSFW97QJoZqJer6UkfKWdZmd7xnAl/?mibextid=cr9u03