ທຸກຄົນຮູ້ຫຼືບໍ່? ໜ້າກາກອະນາໄມທີ່ເຮົານໍາໃຊ້ໃນປັດຈຸບັນນີ້ບາງຄັ້ງບໍ່ໄດ້ຖືກນໍາໄປຈັດການຢ່າງຖືກວິທີ, ມີບາງສ່ວນກະແຈກກະຈາຍຢູ່ຕາມສະຖານທີ່ຕ່າງໆເຊັ່ນ: ຕາມຄອງແມ່ນໍ້າ, ສະຖານທີ່ສາທາລະນະ, ຖະໜົນຫົນທາງ, ແຫຼ່ງທ່ອງທ່ຽວ... ຖ້າຫາກຖິ້ມຢ່າງບໍ່ຖືກວິທີ ມັນກໍກາຍເປັນມົນລະພິດທີ່ສາມາດສົ່ງຜົນກະທົບໂດຍກົງຕໍ່ລະບົບນິເວດ ແລະ ສິ່ງທີ່ມີຊີວິດໄດ້. ເນື່ອງຈາກວ່າໜ້າກາກອະນາໄມທີ່ໃຊ້ພຽງຄັ້ງດຽວ ຜະລິດມາຈາກປລາສຕິກຫຼາຍຊະນິດເຊັ່ນ: ( Polypropylene-PP) ພໍລິໂພພີລິນ, ( Polyethylene-PE) ໂພລີເອທີລິນ ແລະ (Vinyl) ໄວນິລ. ນັ້ນໝາຍຄວາມວ່າໜ້າກາກອະນາໄມເຫຼົ່ານີ້ຕ້ອງໃຊ້ເວລາໃນການຍ່ອຍສະລາຍເຖິງ 450 ປີ ແລະ ບາງຄັ້ງປລາສຕິກກໍຍັງຄົງຢູ່ໃນຮູບແບບຂອງໂມເລກຸນທີ່ນ້ອຍທີ່ສຸດເຊັ່ນດຽວກັນກັບໄມໂຄຣປລາສຕິກທີ່ອາດຈະສົ່ງຜົນກະທົບຕໍ່ກັບວົງຈອນສິ່ງທີ່ມີຊີວິດໄດ້. ພວກເຮົາສາມາດມີສ່ວນຮ່ວມເພື່ອແກ້ໄຂບັນຫານີ້ໄດ້ໂດຍ: 1. ເລືອກໃຊ້ໜ້າກາກອະນາໄມທີ່ກັບມາໃຊ້ຊໍ້າໄດ້, ເພື່ອໃຫ້ເກີດການໝູນໃຊ້ໜ້າກາກອະນາໄມ ແລະ ຫຼຸດຜ່ອນປະລິມານຂີ້ເຫຍື້ອຢ່າງໃຫ້ຫຼຸດລົງ. 2. ຄິດໄຕ່ຕອງຮອບຄອບ ແລະ ຄິດຄັດແຍກກ່ອນຖີ້ມໜ້າກາກອະນາໄມ, ເພາະໜ້າກາກອະນາໄມເປັນຂີ້ເຫຍື້ອປະເພດຕິດເຊື້ອ. ກ່ອນຖິ້ມພວກເຮົາຕ້ອງໄດ້ສັງເກດກ່ອນວ່າຖັງທີ່ທ່ານຈະຖິ້ມລົງເປັນຂີ້ເຫຍື້ອປະເພດໃດ? ອີກຢ່າງກໍຄືກ່ອນຖິ້ມ ສັງເກດເບິ່ງສະຖານທີ່ຖິ້ມເພື່ອໝັ້ນໃຈວ່າຂີ້ເຫຍື້ອຈະຖືກຈັດການຢ່າງຖືກວິທີ. 3. ຕັດສາຍຫ້ອຍໜ້າກາກອະນາໄມອອກກ່ອນຖິ້ມໃຊ້ເວລາພຽງ 2-3 ວິນາທີ. ເພາະເມື່ອຫາກໜ້າກາກອະນາໄມບໍ່ໄດ້ຖືກຈັດການແບບຖືກວິທີ ກໍຈະໄປເກາະພັນຕາມຕົນຕົວຂອງສັດປ່າ ແລະ ສັດນ້ຳ . ຕິດຕາມເວັບໄຊ້ຂອງພວກເຮົາໄດ້ໄວໆນີ້. ແຫຼ່ງຂໍ້ມູນຈາກ: https://www.greenpeace.org/.../plastic-single-use-face.../ https://www.youtube.com/watch?v=d0iUCDyrSgE