ບົວເງິນ ຫຼື ບົວ ເປັນຊ້າງທີ່ເກີດຈາກແມ່ຊ້າງທີ່ມີເຈົ້າຂອງຄຸ້ມຄອງຢ່າງຖືກກົດໝາຍ. ຄອບຄົວເຈົ້າຂອງຂອງແມ່(ເສຍຊີວິດແລ້ວ) ແລະ ບົວ ແມ່ນເປັນຄອບຄົວຊາວສວນ ແລະ ນຳໃຊ້ຊ້າງເພື່ອຊ່ວຍວຽກແຮງງານຕ່າງໆ. ທັງນີ້, ບົວ ເອງແມ່ນໃຫຍ່ມາໃນສູນອານຸລັກຊ້າງ ຫຼື Elephant Conservation Center (ECC) ແລະ ກຳລັງເປັນໜຶ່ງໃນຊ້າງຫຼາຍໂຕທີ່ທີ່ທາງສູນແນໃສ່ຢາກກະກຽມເພື່ອປ່ອຍຄືນສູ່ທຳມະຊາດ. ສວນທາງກັບຂ່າວດີນີ້, ຄອບຄົວເຈົ້າຂອງບົວເອງພັດກຳລັງຕ້ອງການເງິນເພື່ອມາຮັບໃຊ້ໃນຄອບຄົວ ແລະ ກຳລັງພິຈາລະນາຂາຍລາວໃຫ້ໃນລາຄາ 80,000 ໂດລາ ສະຫະລັດ.

ທັງນີ້, ຊ້າງ ທີ່ຖືກຂາຍ ພົບວ່າຍັງມີຄວາມສ່ຽງສູງທີ່ຈະຖືກໃຊ້ເຂົ້າໃນຂະບວນການນຳໃຊ້ແຮງງານທີ່ເປັນອັນຕະລາຍຕໍ່ຊ້າງ ເຊັ່ນ ເປັນພາຫະນະຂີ່ເພື່ອຄວາມບັນເທີງໃນການທ່ອງທ່ຽວ ແລະ ກັກຂັງບໍ່ໃຫ້ມີອິດສະຫຼະພາບ. ດັ່ງນັ້ນ, ສູນອານຸລັກຊ້າງ ແລະ Sun Bear Outreach ຈຶ່ງມີໂຄງການ “Save Boua” ຫຼື ຊ່ວຍບົວ ເພື່ອລະດົມທຶນເພື່ອໄຖ່ເອົາໂຕຂອງລາວ ແລະ ຊ່ວຍລາວໃຫ້ເປັນອິດສະຫຼະ.

ທ່ານສາມາດເຂົ້າເບິ່ງຂໍ້ມູນເພີ່ມຕື່ມ ແລະ ຮ່ວມບໍລິຈາກໄດ້ທີ່ ເວັບໄຊທ໌ saveboua.com

#econewslaos #saveboua #wildlifeconservation