ສຳລັບຜະລິດຕະພັນໃນ Refill Station ແມ່ນປະເພດຮັກສາສຸຂະພາບ ແລະ ອະນາໄມຄົວເຮືອນອັນໄດ້ແກ່: ຢາສະຫົວ, ຢານວດຜົມ, ສະບູແຫຼວອາບນໍ້າ, ໂລຊັ່ນບຳລຸງຜິວ, ນໍ້າຢາລ້າງຈານ, ແຟັບຊັກເຄື່ອງ ແລະ ນໍ້າຢາປັບຜ້ານຸ້ມ ໂດຍຜະລິດຕະພັນດັ່ງກ່າວແມ່ນຂອງ Unilever ທີ່ຫາຊື້ໄດ້ງ່າຍໃນທ້ອງຕະຫຼາດ.
ໃນສ່ວນຂອງຖົງ ຫຼຶ ຊອງບັນຈຸພັນສິນຄ້າ ແມ່ນເຫັນໄດ້ວ່າຕົ້ນທຶນຂອງບັນຈຸພັນມີລາຄາຖືກ ແລະ ຍັງໃຫ້ຄວາມສະດວກສະບາຍແກ່ຜູ້ບໍລິໂພກໃນການຊົມໃຊ້. ແນວໃດກໍຕາມ, ເມື່ອສົມທຽບກັບການນຳໃຊ້ບັນຈຸພັນສ່ວນຕົວໄປຊື້ ຫຼື ເຕີມສິນຄ້າດັ່ງກ່າວ ແມ່ນປະຫຍັດຫຼາຍກວ່າ ເຊີ່ງໃນການຕັ້ງຈຸດ Refill Station ນັ້ນສາມາດຫຼຸດຜ່ອນຄ່າໃຊ້ຈ່າຍສ່ວນຕ່າງທີ່ເປັນບັນຈຸພັນ. ຕົວຢ່າງ: ຢາສະຜົມ, ໂດຍທົ່ວໄປແລ້ວ, ລາຄາຂາຍປີກຍ່ອຍຂອງຢາສະຜົມ ແມ່ນ 100 ກີບຕໍ່ 1 ml ແລະ ຊອງຢາສະຜົມໜື່ງຊອງມີ 5 ml. ສະນັ້ນ, ຢາສະຜົມ 1 ຊອງແມ່ນມີ 5 ml, ທຽບເປັນມູນຄ່າ ແມ່ນ 500 ກີບຕໍ່ຊອງ. ກົງກັນຂ້າມ, ໃນຈຸດຕື່ມສິນຄ້ານັ້ນ 1 mL ເພິ່ນຂາຍໃນລາຄາ 40 ກີບ ເຊິ່ງປະຫຍັດເຖິງ 60 ກີບ
ນອກຈາກນີ້, ປລາສຕິກບັນຈຸພັນທີ່ເຮົາຊົມໃຊ້ສິນຄ້າປັດຈຸບັນ ລ້ວນແຕ່ເປັນບັນຈຸພັນທີ່ນຳໃຊ້ແລ້ວຖີ້ມໃນເທື່ອດຽວ (Single-used Plastic) ເຊິ່ງເປັນການສ້າງຂີ້ເຫຍື້ອທີ່ຍ່ອຍສະຫຼາຍຍາກ ໃນຈຳນວນທີ່ເພີ່ມຂື້ນ. ດັ່ງນັ້ນ, ການມີຈຸດຕື່ມ ສິນຄ້າອຸປະໂພກບໍລິໂພກຄືດັ່ງກໍລະນີສຶກສານີ້ ສາມາດຫຼຸດຜ່ອນຂີ້ເຫຍື້ອໄດ້ຫຼາຍ ເຊິ່ງສະທ້ອນໃຫ້ເຫັນຈາກ ຢາສະຜົມທີ່ສົມທຽບວ່າ 1 ຊອງ ມີ 5 mL ແລະ ບັນຈຸພັນປລາສຕິກຂອງຢາສະຜົມຂະໜາດໃຫຍ່ນັ້ນມີປະລິມານຢູ່ 450 mL ໝາຍຄວາມວ່າ 1 ຂວດ ຈະທຽບເທົ່າກັບ 90 ຊອງ. ຈາກການປຽບທຽບດັ່ງກ່າວ, ຫາກມີການຊົມໃຊ້ ສິນຄ້າທີ່ເປັນຊອງປລາສຕິກທຸກຄົວເຮືອນເປັນປະຈຳ ຈະເປັນການສ້າງຂີ້ເຫຍື້ອປລາສຕິກທີ່ທະວີຄູນຂື້ນ ເນື່ອງຈາກສິນຄ້າປະເພດນີ້ມີຂະໜາດກະທັດຮັດ, ລາຄາຍ່ອມເຍົາ ແລະ ເຂົ້າເຖິງທຸກຄົວເຮືອນ ເຮັດໃຫ້ກາຍເປັນທີ່ນິຍົມ ແລະ ຍັງສ້າງຂີ້ເຫຍືື້ອ. ສະນັ້ນ, Refill Station ແມ່ນອີກທາງເລືອກໜື່ງທີ່ເປັນການຊ່ວຍໃຫ້ທາງຜູ້ຜະລິດ ມີຕົ້ນທືນໃນການຜະລິດຕໍ່າ ແລະ ຜູ້ບໍລິໂພກສາມາດຊື້ໄດ້ໃນລາຄາຖືກລົງ. ຍິ່ງໄປກວ່ານັ້ນ, ບັນດາຂີ້ເຫຍື້ອປລາສຕິກມີແນວໂນ້ມທີ່ຈະຫຼຸດໜ້ອຍຖອຍລົງ ເນື່ອງຈາກຜູ້ບໍລິໂພກມີການນຳໃຊ້ປລາສຕິກແບບ Recycle ແທນການນຳໃຊ້ຄັ້ງດຽວແລ້ວຖີ້ມ.
ແຫຼ່ງອ້າງອີງ:
