ເຫດການດັ່ງກ່າວ ແມ່ນເກີດຂຶ້ນທີ່ຫໍພິພິດຕະພັນແຫ່ງຊາດລອນດອນ ຫຼື National Gallery in London ໃນຫ້ອງທີ່ເຕັມໄປດ້ວຍຜູ້ຄົນເກືອບຫ້າສິບຄົນທີ່ຕື່ນຕົກໃຈ. ນອກຈາກນີ້, ນັກເຄື່ອນໄຫວທາງສິ່ງແວດລ້ອມ 2 ຄົນທີ່ອາຍຸ 20 ແລະ 21 ປີຍັງໄດ້ຮ້ອງຖາມຕື່ມ ຮຽກຮ້ອງໃຫ້ຄົນສົນໃຈກ່ຽວກັບບັນຫາສິ່ງແວດລ້ອມ ໂດຍທຽບໃສ່ຄວາມສຳຄັນຂອງສິລະປະທີ່ຄົນຫຼາຍຄົນໃຫ້ຄ່າ. ທັງນີ້, ກຸ່ມປະທ້ວງທີ່ທັງ 2 ຄົນເຂົ້າຮ່ວມໄດ້ມີການປັກຫຼັກເຄື່ອນໄຫວຢູ່ໃຈກາງເມືອງລອນດອນແລ້ວ 2 ອາທິດທີ່ຜ່ານມານີ້. ພະນັກງານຫໍພິພິດຕະພັນແຫ່ງຊາດລອນດອນໄດ້ອະນາໄມຫ້ອງຢ່າງໄວວາຫຼັງຈາກນັ້ນ ແລະ ໄດ້ຢືນຢັນວ່າຮູບແຕ້ມດັ່ງກ່າວບໍ່ເປັນອັນຕະລາຍແຕ່ຢ່າງໃດ. ຢ່າງໃດກໍຕາມ, ເຫດການຄັ້ງນີ້ກໍມີທັງຄົນທີ່ເຫັນດີ ແລະ ວິຈານວ່າການກະທໍາດັ່ງກ່າວແມ່ນບໍ່ເໝາະສົມ. ຜູ້ເຫັນເຫດການທ່ານໜຶ່ງໄດ້ກ່າວວ່າ “ພວກເຂົາອາດຈະພະຍາຍາມເຮັດໃຫ້ຄົນຄິດກ່ຽວກັບບັນຫາຕ່າງໆ, ແຕ່ສິ່ງທີ່ພວກເຂົາເຮັດສຸດທ້າຍແມ່ນເຮັດໃຫ້ຄົນລໍາຄານ ແລະ ໃຈຮ້າຍແທ້ໆ.” ທັງນີ້, ພາບດັ່ງກ່າວຂອງ ວິນເຊັນ ແວນໂກະ ແມ່ນມີຊື່ສຽງ ແລະ ມູນຄ່າສູງຫຼາຍ. ພາບໜຶ່ງໃນຊຸດດຽວກັນນີ້ເຄີຍຖືກຂາຍມາແລ້ວໃນລາຄາ 39 ລ້ານ ຫຼຽນ ສະຫະລັດ. #climatechange #econewslaos ທີ່ມາ: - https://www.theguardian.com/.../just-stop-oil-activists... - https://www.washingtonpost.com/.../tomato-soup.../