ກຸ່ມນັກວິທະຍາສາດຮ້ອງຂໍທະນາຄານເຊສ, ຢຸດການເປັນແຫຼ່ງທຶນ ແລະ ຢຸດດຳເນີນໂຄງການທີ່ກ່ຽວຂ້ອງກັບພະລັງງານຖ່ານຫີນໃນອະນາຄົດ. ທ່ານ ປີເຕີ ຄາລມັສ ຍັງກ່າວເນັ້ນຢ້ຳວ່າ “ມວນມະນຸດກຳລັງຢູ່ໃນສະພາວະແຫ່ງການລົ້ມສະຫຼາຍ, ຖ້າພວກເຮົາບໍ່ຊ່ວຍກັນຕໍ່ຕ້ານ ຄວາມຫາຍະນະຈະເກີດຂື້ນຢ່າງແນ່ນອນ”. ພາຍຫລັງການປະທ້ວງພວກເຂົາກໍໄດ້ຖືກເຈົ້າຫນ້າທີ່ຈັບກຸມ.

ຍ້ອນສາເຫດທີ່ກ່າວມາຂ້າງເທິງ, ຄົນທົ່ວໂລກຈຶ່ງເກີດມີກະແສ #LetTheEarthBreath ທີ່ຕິດເທຣນທະວິດເຕີອັນດັບ 1 ຂອງສາກົນໃນອາທິດນີ້, ເພື່ອຮຽກຮ້ອງໃຫ້ມີການຊ່ວຍກັນເປັນກະບອກສຽງໃນຂະບວນການຕໍ່ຕ້ານດັ່ງກ່າວ, ພ້ອມທັງປຸກລະດົມໃຫ້ຄົນທົ່ວໂລກຮ່ວມກັນປະຕິບັດສິ່ງຕ່າງໆທີ່ເປັນການຮັກສາສີ່ງແວດລ້ອມຮ່ວມກັນ.

ໃນຂະນະດຽວກັນ, ຮູບເງົາເລື່ອງ "Don't Look Up" ໄດ້ຖືກນໍາທຽບໃສ່ເຫດການປະທ້ວງດັ່ງກ່າວ, ເນື່ອງຈາກມີຄວາມຄ້າຍຄືຂອງເຫດການທີ່ວ່າ, ເມື່ອນັກວິທະຍາສາດພົບວ່າອຸກະບາດຈະຕົກມາໃສ່ໂລກ ແລະ ໄດ້ອອກມາກ່າວເຕືອນ ແຕ່ຍ້ອນຄວາມເສີຍເມີຍຈົນສຸດທ້າຍໂລກກໍຖືກອຸກະບາດທຳລາຍ ເຮັດໃຫ້ມວນມະນຸດດັບສູນ. ພວກເຮົາຫວັງຢ່າງຍິ່ງວ່າໂລກຂອງພວກເຮົາຈະຕ້ອງບໍ່ມີຈຸດຈົບຄືດັ່ງຮູບເງົາເລື່ອງນີ້.

ແຫຼ່ງຂໍ້ມູນຈາກ:https://www.greenmatters.com/.../peter-kalmus-nasa...https://en.siakapkeli.my/.../lettheearthbreath-trending.../