ໂດຍທີມນັກວິໄຈໄດ້ເຜີຍພາບຖ່າຍ ລູກປາຂ່ານໍ້າຈືດ ທີ່ກຳລັງລອຍນໍ້າຢູ່ກັບປາຂ່າໃຫຍ່ 9 ໂຕ, ລຸກປາຂ່າໂຕນີ້ມີອາຍຸພຽງ 5 ມື້ ແລະ ເປັນປ່າຂ່າທີ່ເກີດໃໝ່ໂຕທີ່ສອງພາຍໃນປີ 2022. ນັບວ່າເປັນຂ່າວທີ່ໜ້າຍິນດີຂອງປີນີ້ ທີ່ມີການຄົ້ນພົບລູກປ່າຂ່ານໍ້າຈືດທີ່ເກີດໃໝ່, ເພາະກວ່າປາຂ່ານໍ້າຈືດ ອິລະວະດີ ຈະເກີດລູກໃໝ່ອີກໄດ້ນັ້ນຕ້ອງໃຊ້ເວລາດົນເຖິງ 2-3 ປີ.

ແຕ່ເຖິງຢ່າງໃດກໍຕາມການອະນຸລັກປາຂ່ານໍ້າຈືດ ອິລະວະດີ ກໍຍັງເປັນສິ່ງທ້າທ້າຍ ແລະ ຕ້ອງໄດ້ເຝົ້າລະວັງເປັນພິເສດ, ເພາະປາຂ່ານໍ້າຈືດ ອິລະວະດີ ເປັນສັດທີ່ຈັດຢູ່ໃນປະເພດສ່ຽງຕໍ່ການໃກ້ສູນພັນທີ່ສຸດ ໃນບັນຊີແດງຂອງ IUCN. ຈາກຜົນການສຳຫຼວດພາຍໃນປີ 2020 ພົບວ່າຍັງຄົງມີປາຂ່ານໍ້າຈືດພຽງ 89 ໂຕເທົ່ານັ້ນທີ່ຍັງອາໄສຢູ່ເຂດ ແມ່ນໍ້າຂອງ.

ໃນປີທີ່ຜ່ານມາກໍຍັງຄົງພົບການສູນພັນທີ່ມາຈາກໄພຄຸມຄາມຂອງມະນຸດເຊັ່ນ: ການສ້າງເຂື່ອນໄຟຟ້າພະລັງງານນໍ້າທີ່ມີຜົນຕໍ່ການໄຫຼຂອງນໍ້າ, ການຫາປາດ້ວຍວິທີທີ່ອັນຕະລາຍເຊັ່ນ ການຫາປາແບບໃຊ້ໄຟຟ້າຊ໊ອດ ແລະ ລວມໄປເຖິງການຫາປາໃນຈໍານວນທີ່ຫຼາຍເກີນໄປ.

ແຫຼ່ງຂໍ້ມູນຈາກ: https://www.facebook.com/327186907332680/posts/5312159212168733/?sfnsn=mohttps://www.facebook.com/WWFCambodia