ມະຫາສະໝຸດຮ້ອນຂື້ນຫຼາຍສຸດໃນປະຫວັດສາດການບັນທຶກເຮັດໃຫ້ພາວະໂລກຮ້ອນຮຸນແຮງຂື້ນ
ມະຫາສະໝຸດຮ້ອນຂື້ນຫຼາຍສຸດໃນປະຫວັດສາດການບັນທຶກເຮັດໃຫ້ພາວະໂລກຮ້ອນຮຸນແຮງຂື້ນ
23 October, 2023
Share now
ທະເລ ແລະ ມະຫາສະໝຸດໃນທົ່ວໂລກທີ່ຖືໄດ້ວ່າເປັນແຫລ່ງຊຶມຊັບຄາບອນໄດອົກຊາຍ (Co2) ແລະ ອາຍຄວາມຮ້ອນຕ່າງໆ ເຮັດໃຫ້ມັນເປັນລະບົບນິເວດທີ່ສຳຄັນຢ່າງຍິ່ງຕໍ່ກັບສິ່ງແວດລ້ອມໃນໂລກ. ນອກນີ້, ມະຫາສະໝຸດຍັງມີການຜະລິດອົກຊີແຊນໃຫ້ແກ່ໂລກກວມເອົາປະມານ 50% ເຊິ່ງຫຼາຍກວ່າລະບົບນິເວດປ່າທັງໝົດເທິງໜ້າດິນ.

ຂໍ້ມູນທີ່ຖືກເກັບກຳໃນເດືອນສິງຫາ ປີ 2023 ທີ່ຜ່ານມາເຫັນວ່າມີອຸນຫະພູມສູງກວ່າທີ່ເຄີຍບັນທຶກມາ, ເຊິ່ງສູງເຖິງ 20.96 ອົງສາ ເຊລຊຽສ ແລະ ສູງກວ່າອຸນຫະພູມສະເລ່ຍທີ່ວັດໄດ້ໃນປີນີ້. ທັງນີ້, ເຫດຂອງຜົນດັ່ງກ່າວແມ່ນເກີດມາຈາກການທີ່ທະເລ ແລະ ມະຫາສະໝຸດໄດ້ຊຶມຊັບເອົາຄວາມຮ້ອນທີ່ເພີ່ມຂຶ້ນຈາກພາວະໂລກຮ້ອນ. ແນວໃດກໍຕາມ, ປະຈຸບັນ ນັກວິທະຍາສາດຍັງຄົງເຮັດການວິໄຈເພື່ອຄົ້ນຫາສາເຫດອື່ນໆເພີ່ມຕື່ມ.

ອຸນຫະພູມຂອງນ້ໍາທີ່ອຸ່ນຂຶ້ນມີຄວາມສາມາດດູດຊຶມອາຍຄາບອນໄດອົກຊາຍຫນ້ອຍລົງ, ຊຶ່ງຫມາຍຄວາມວ່າອາຍແກັສເຮືອນແກ້ວທີ່ເຮັດໃຫ້ອາກາດຮ້ອນຈະມີຫຼົງເຫຼືອຫຼາຍຂຶ້ນໃນຊັ້ນບັນຍາກາດ. ນອກນັ້ນ, ມັນຍັງສາມາດເລັ່ງການລະລາຍຂອງພູນໍ້າກ້ອນ (glaciers) ທີ່ໄຫຼລົງສູ່ມະຫາສະໝຸດ, ເຮັດໃຫ້ລະດັບນ້ໍາທະເລເພີ່ມສູງຂຶ້ນ. ນອກນີ້, ອຸນຫະພູມນໍ້າທີ່ເພີ່ມຂຶ້ນມັນຍັງໄດ້ສົ່ງຜົນໃຫ້ສັດທະເລໄດ້ຮັບຜົນກະທົບ ເຊັ່ນວ່າ ການອົບພະຍົບໄປຢູ່ບ່ອນເຢັນ ເຮັດໃຫ້ຄັງອາຫານຂອງມະນຸດຫຼຸດໜ້ອຍລົງ ຫຼື ກະທັ່ງເຮັດໃຫ້ສັດແບບປາສະຫຼາມດຸຮ້າຍຂຶ້ນ.

ເຫດການວິກິດນີ້ ແນ່ນອນວ່າຈະສົ່ງຜົນໃຫ້ພາວະໂລກຮ້ອນທະວີຄວາມຮຸນແຮງຂຶ້ນ ແລະ ຍາກທີ່ຈະຢຸດໄດ້. #econewslaos #climatechange

See what people say about this article
Our Sponsor
Ad
Small Ad
Small Ad 2
Small Ad 3
Related Articles
ຍີ່ປຸ່ນພົບເກາະນ້ອງໃໝ່ທີ່ເກີດຈາກການລະເບີດຂອງພູໄຟໃຕ້ທະເລ
30 November, 2023
ຍີ່ປຸ່ນພົບເກາະນ້ອງໃໝ່ທີ່ເກີດຈາກການລະເບີດຂອງພູໄຟໃຕ້ທະເລ
ປະກົດການການລະເບີດຂອງພູໄຟຖືເປັນອີກໜື່ງໄພຈາກທຳມະຊາດທີ່ຍັງຄົງປາກົດໃຫ້ເຫັນໃນປັດຈຸບັນ. ເຊັ່ນດຽວກັນກັບເຫດການລ່າສຸດທີ່ພູໄຟໃຕ້ທະເລໃນອານາເຂດຂອງປະເທດຍີ່ປຸ່ນໄດ້ປະທຸຂຶ້ນ ໂດຍຄາດການວ່າການລະເບີດຂອງພູໄຟນັ້ນເກີດຂື້ນໃນຊ່ວງເດືອນຕຸລາທີ່ຜ່ານມາ.