ກະໂທງສ້າງຂີ້ເຫຍື້ອອັນຕະລາຍໄດ້!
ກະໂທງສ້າງຂີ້ເຫຍື້ອອັນຕະລາຍໄດ້!
15 November, 2022
Share now
ບັນຊີແອັກເຄົ້າເຟສບຸກ Vorasil Thaweethong ຈາກປະເທດໄທໄດ້ເຜີຍແຜ່ຮູບພາບກະໂທງທີ່ລາວໄດ້ລົງໄປເກັບຕາມແມ່ນໍ້າຫຼັງເທສະການ ພ້ອມໄດ້ຂຽນຂໍ້ຄວາມວ່າ “ນີ້ບໍ່ແມ່ນເມືອງນະຮົກ ແຕ່ເປັນຕະປູທີ່ໃຊ້ໃນການເຮັດກະໂທງ”. ທັງນີ້, ໃນໂພສດັ່ງກ່າວເຮັດໃຫ້ເຫັນວ່າມີກະໂທງຈໍານວນຫຼາຍໄດ້ມີການນໍາໃຊ້ ຕະປູ ແລະ ເຂັມໝຸດ, ເຊິ່ງເປັນວັດສະດຸບໍ່ເຫມາະສົມ ແລະ ຍັງເປັນອັນຕະລາຍຕໍ່ລະບົບນິເວດໃນນໍ້າ ແລະ ໜ້າດິນອີກດ້ວຍ.
post-images

ຫຼັງຈາກພົບຕະປູຫຼາຍກວ່າຮ້ອຍລູກ ແລະ ຂົນກະໂທງຂຶ້ນລົດໂຕເອງປະມານ 50-60 ໜ່ວຍ, ລາວໄດ້ຮຽກຮ້ອງໃຫ້ທຸກຄົນນໍາໃຊ້ກະໂທງທີ່ເຮັດມາຈາກວັດສະດຸທໍາມະຊາດທັງໝົດ, ບໍ່ມີໂຟມ ແລະ ສາມາດຍ່ອຍສະຫຼາຍໄດ້.

post-images
post-images

ການນໍາໃຊ້ວັດສະດຸທີ່ບໍ່ສາມາດຍ່ອຍສະຫຼາຍໄດ້ ເພື່ອນໍາມາປະກອບເປັນກະໂທງທີ່ປ່ອຍລົງແມ່ນໍ້ານັ້ນ ສົ່ງຜົນກະທົບຕໍ່ລະບົບນິເວດນໍ້າ, ປາ ແລະ ອາດເປັນອັນຕະລາຍຕໍ່ປະຊາຊົນທົ່ວໄປ, ລວມໄປເຖິງຜູ້ເກັບ-ທໍາຄວາມສະອາດແມ່ນໍ້າຫຼັງເທສະການອີກດ້ວຍ. ທັງນີ້, ຕະປູ ກໍຖືວ່າເປັນຂີ້ເຫຍື້ອປະເພດໂລຫະໜັກ ແລະ ເປັນຂີ້ເຫຍື້ອຈາກການກໍ່ສ້າງທີ່ຄວນມີການຈັດການທີ່ຖືກວິທີໂດຍພາກສ່ວນທີ່ມີເຄື່ອງມືຈັດການກັບຂີ້ເຫຍື້ອປະເພດນີ້ຢ່າງຖືກຕ້ອງ ແລະ ມີປະສິດທິພາບ ເປັນຕົ້ນ ການນໍາໄປຫຼອມ ຫຼື ແປຮູບຄືນໃໝ່.

post-images
post-images
post-images

#econewslaos#wastemanagement#hazardouswaste#loikrathong#CleanFestival#EcoFest#ບຸນສະອາດ

ແຫຼ່ງຂໍ້ມູນອ້າງອີງ

See what people say about this article
Our Sponsor
Ad
Small Ad
Small Ad 2
Small Ad 3
Related Articles
ຍີ່ປຸ່ນພົບເກາະນ້ອງໃໝ່ທີ່ເກີດຈາກການລະເບີດຂອງພູໄຟໃຕ້ທະເລ
30 November, 2023
ຍີ່ປຸ່ນພົບເກາະນ້ອງໃໝ່ທີ່ເກີດຈາກການລະເບີດຂອງພູໄຟໃຕ້ທະເລ
ປະກົດການການລະເບີດຂອງພູໄຟຖືເປັນອີກໜື່ງໄພຈາກທຳມະຊາດທີ່ຍັງຄົງປາກົດໃຫ້ເຫັນໃນປັດຈຸບັນ. ເຊັ່ນດຽວກັນກັບເຫດການລ່າສຸດທີ່ພູໄຟໃຕ້ທະເລໃນອານາເຂດຂອງປະເທດຍີ່ປຸ່ນໄດ້ປະທຸຂຶ້ນ ໂດຍຄາດການວ່າການລະເບີດຂອງພູໄຟນັ້ນເກີດຂື້ນໃນຊ່ວງເດືອນຕຸລາທີ່ຜ່ານມາ.