- ແລ້ວກາສຮີໂດຮແຊນຜະລິດມາຈາກໃສ? ມັນສາມາດປ່ອຍຂຶ້ນສູ່ຊັ້ນບັນຍາກາດໄດ້ແນວໃດ? ​

​ ຮີໂດຣແຊນເປັນພະລັງງານສະອາດທີ່ສາມາດຜະລິດໄດ້ຈາກຫຼາກຫຼາຍແຫຼ່ງເຊັ່ນ: ກ໊າສທຳມະຊາດ, ພະລັງງານນິວເຄຼຍ, ຊີວະມວນ, ພະລັງງານໝູນວຽນ (ພະລັງງານແສງອາທິດ, ລົມ); ໂດຍສ່ວນໃຫຍ່ຮີໂດຣແຊນມັກຈະຖືກນໍາໃຊ້ໃນການຜະລິດພະລັງງານໄຟຟ້າ, ພະລັງງານລົດຍົນ, ໃຊ້ໃນຄົວເຮືອນ ແລະ ອື່ນໆ.

​ ກ໊າສຮີໂດຣແຊນສາມາດຮົ່ວໄຫຼສູ່ຊັ້ນບັນຍາກາດເນື່ອງຈາກການກັກເກັບ ແລະ ຂະບວນການກະຈາຍໂຕຈາກການເຜົາໄໝ້ຂອງເຊື້ອເພີງຖ່ານຫີນ ແລະ ພະລັງງານຊີວະມວນ ທີ່ມີຜົນຕໍ່ຄຸນະພາບຂອງອາກາດ. ແມ່ນແຕ່ການຊົມໃຊ້ຖັງແກ໊ສອັດຮີໂດຣແຊນທີ່ໃຊ້ໃນຊີວິດປະຈໍາວັນ ກໍສາມາດເກີດການຮົ່ວໄຫຼຈາກທໍ່ ຫຼື ວາວຫັນໄດ້ຢູ່ລະຫວ່າງ 0.12 – 0.24 ເປີເຊັນຕໍ່ມື້.

- ແລ້ວເມື່ອມັນຢູ່ໃນຊັ້ນບັນຍາກາດຈະເກີດອັນຕະລາຍຄືແນວໃດ? ​

​ເມື່ອຮີໂດຣແຊນຖືກປ່ອຍສູ່ຊັ້ນບັນຍາກາດໂດຍກົງມັນສາມາດປະຕິກິລິຍາກັບກ໊າສອື່ນໆ ແລະ ເກີດການລະເຫີຍອາຍ, ມີຜົນຕໍ່ອົງປະກອບທັງໝົດໃນການທໍາລາຍຄວາມສົມດູນຂອງຊັ້ນບັນຍາກາດ ໂທຣໂພສເຟຍ ທີ່ໄປປ່ຽນແປງຄຸນະພາບຂອງອາກາດ ແລະ ມີຜົນຕໍ່ການຮັກສາຊັ້ນໂອໂຊນ ໃນຊັ້ນບັນຍາກາດສະຕຣາໂຕສເຟຍ; ນອກນັ້ນ ມັນຍັງສາມາດເພີ່ມໄລຍະເວລາຂອງກ໊າສເມຕານ (CH4) ທີ່ເປັນກ໊າສເຮືອນແກ້ວໃຫ້ຄົງໂຕໃນຊັ້ນບັນຍາກາດໄດ້ດົນຂຶ້ນ. ຈາກການສຶກສາເຜີຍວ່າ ໃນຊ່ວງເວລາຫຼາຍກວ່າ 100 ປີ, ຮີໂດຮແຊນໃນບັນຍາກາດຈໍານວນ 1 ໂຕນ ຈະເຮັດໃຫ້ໂລກຮ້ອນກວ່າ ກ໊າສກາກໂບນິກ 1 ໂຕນ ເຖິງ 11 ເທົ່າ.

ເຖິງຢ່າງໃດກໍຕາມການຊົມໃຊ້ພະລັງງານຈາກກ໊າສຮີໂດຣແຊນ ຖືເປັນພະລັງງານທາງເລືອກໜຶ່ງທີ່ນິຍົມໃຊ້ຢ່າງແຜ່ຫຼາຍເພື່ອຫຼຸດການປ່ອຍກ໊າສກາກໂບນິກສູ່ຊັ້ນບັນຍາກາດ, ແຕ່ທັງນີ້ການໃຊ້ງານຂອງມັນຕ້ອງໄດ້ມີການຄວບຄຸມຄວາມອັນຕະລາຍ ເພື່ອປ້ອງກັນການຮົ່ວໄຫຼໃນພາກສ່ວນເສດຖະກິດຮີໂດຣແຊນໃຫ້ຫຼາຍທີ່ສຸດ.

ແຫຼ່ງທີ່ມາຈາກ:https://newatlas.com/environment/hydrogen-greenhouse-gas/https://www.sciencedirect.com/.../abs/pii/S0360319998000044

ອ່ານບົດວິໄຈໄດ້ທີ່: https://assets.publishing.service.gov.uk/.../atmospheric...