ເພື່ອສ້າງມູນຄ່າເພີ່ມ ແລະ ໝູນໃຊ້ສິ່ງເສດເຫຼືອຄືນໃຫມ່ໃຫ້ເກີດປະໂຫຍດ ນັກສຶກສາຈາກ ຄະນະວິທະຍາສາດສິ່ງແວດລ້ອມ, ມະຫາວິທະຍາໄລແຫ່ງຊາດລາວ ກໍໄດ້ມີການທົດລອງນໍາກ່ອງໂຟມເຫຼົ່ານີ້ມາຜະລິດເປັນບລ໋ອກປູທາງຍ່າງນໍ້າໜັກເບົາ. ຈາກການນໍາປລາສຕິກໂຟມໄປຕັດ ແລະ ບົດ ປະສົມກັບຊາຍ, ຊີມັງ ແລະ ຫີນ ແລະ ນໍາໄປອັດເປັນບລ໋ອກໃສ່ໃນແມ່ພິມ.
ເມື່ອນໍາບລ໋ອກຈາກປລາສຕິກໂຟມ ມາ ປຽບທຽບປະສິດທິພາບກັບ ບລ໋ອກທີ່ຜະລິດທົ່ວໄປ ດ້ວຍການທົດລອງແຮງອັດໜີບ, ການປ່ອຍຕົກລົງຈາກທີ່ສູງ ແລະ ການດູດຊຶມນໍ້າ. ເຫັນວ່າບລ໋ອກຈາກປລາສຕິກໂຟມນັ້ນມີອັດຕາທົນທານສູງກວ່າມາດຕະຖານບລ໋ອກມວນເບົາ ແລະ ມີຄວາມເໝາະສົມໃນການນໍາໄປຜະລິດ ແລະ ເປັນວັດສະດຸທາງເລືອກທີ່ມີປະສິດທິພາບໃນການຫຼຸດຜ່ອນປລາສຕິກໂຟມໄດ້ດີ. ແຫຼ່ງຂໍ້ມູນ ແລະ ຮູບ ຈາກ: ນາງ ພູເຂົາຄໍາ ແກ້ວເມືອງຄົມ ແລະ ທ້າວ ໄຊຍະສິດ ພົມມະວົງ #Econews #PlasticPollution #PlasticCrisis #ClimateChage #GreenInnovation
