ເພື່ອແກ້ໄຂບັນຫາດັ່ງກ່າວ, ຈຶ່ງໄດ້ມີການກໍ່ຕັ້ງໂຄງການພັດທະນາວັດສະດຸ “rfoil” ເຊິ່ງເປັນນະວັດຕະກໍາໃໝ່ຈາກການຣີໄຊເຄິລຊອງຟຣອຍ ແລະ ນໍາໄປພັດທະນາເປັນເມັດປລາສຕິກປະສົມ. ໂດຍເປັນເມັດປລາສຕິກ ບໍ່ໄດ້ປະກອບມີພຽງແຕ່ປລາສຕິກຢ່າງດຽວ, ແຕ່ຍັງມີສ່ວນປະສົມຂອງຂີ້ເຫຍື້ອປະເພດຟຣອຍ ເພື່ອສາມາດຜະລິດປລາສຕິກໄດ້ໂດຍໃຊ້ວັດຖຸດິບນ້ອຍລົງ ແລະ ຍັງເປັນການຫຼຸດຜ່ອນຂີ້ເຫຍື້ອປະເພດນີ້ລົງອີກດ້ວຍ.

​ໃນປີ 2021, ມີຜົນງານການວິໄຈຂອງຄະນະສິ່ງເເວດລ້ອມ ມະຫາວິທະຍາໄລກະເສດສາດ (ປະເທດໄທ) ທີ່ໄດ້ຮັບຄວາມຮ່ວມມືຈາກພາກລັດ ແລະ ເອກະຊົນເຊິ່ງດໍາເນີນການສຶກສາກ່ຽວກັບ rfoil. ປລາສຕິກປະສົມນ້ອງໃໝ່ແບບ rfoil ໄດ້ຖືກນໍາໄປແປຮູບໃຫ້ເປັນດິນບລັອກປູທາງຍ່າງ, ໂຖຕົ້ນໄມ້ ແລະ ຫີນຕົກເເຕ່ງ ເພື່ອທົດສອບປະສິດທິພາບການໃຊ້ງານ ແລະ ພົບວ່າເຮົາສາມາດເພີ່ມປະລິມານຖົງ foil ເຂົ້າໄປໃນເມັດປລາສຕິກໄດ້ເຖິງ 60% ນັ້ນໝາຍເຖິງເຮົາສາມາດຫຼຸດຜ່ອນການຜະລິດປລາສຕິກໃໝ່ໄປໄດ້ເຖິງ 40%.

​ປັດຈຸບັນນີ້, rfoil ຍັງເປັນນະວັດຕະກໍາທີ່ຢູ່ໃນລະຫວ່າງການສຶກສາວິໄຈ ເພື່ອທົດລອງຫາສັດສ່ວນຂອງ rfoil ທີ່ຫຼຸດປະລິມານວັດສະດຸເຫຼືອໃຊ້ໄດ້ຫຼາຍທີ່ສຸດ ເເຕ່ຍັງຮັກສາຄຸນສົມບັດຂອງປລາສຕິກໄວ້ໄດ້ຢ່າງຄົບຖ້ວນ. ແຕ່ພາຍຫຼັງຈາກນີ້ ເຮົາກໍໜ້າຈະໄດ້ເຫັນ rfoil ໃນຖານຂອງຜະລິດຕະພັນໃໝ່ທີ່ໃຊ້ປລາສຕິກທາງເລືອກທີ່ດີໃຫ້ກັບໂລກຫຼາຍກວ່າ, ມີຕົ້ນທຶນການຜະລິດໜ້ອຍກວ່າ, ມີຄວາມທົນທານ ແລະ ແຂງແຮງພໍ ທີ່ຈະເຂົ້າສູ່ໂລກຂອງອຸດສາຫະກໍາໄດ້ຢ່າງເຕັມຕົວ ແລະ ກາຍເປັນວັດສະດຸໃໝ່ທີ່ຕອບໂຈດຄວາມຕ້ອງການໃນອານາຄົດ.

ແຫຼ່ງອ້າງອິງ:https://pmuc.or.th/?p=3819https://www.tpbigroup.com/th/news/blog/547-r-foil