ເພື່ອເປັນການຫຼຸດຜ່ອນຜົນກະທົບຕໍ່ສິ່ງແວດລ້ອມແບຣນວາໂກ (Wacoal) ປະເທດໄທ, ຈຶ່ງໄດ້ມີແນວຄວາມຄິດໃນການລົນນະລົງກິດຈະກໍາຖິ້ມແນວໃດໃຫ້ຮູ້ຄຸນຄ່າ ແລະ ສ້າງຂີ້ເຫຍື້ອໃຫ້ເປັນສູນ, ດ້ວຍການຕິດຕັ້ງຈຸດຮັບບໍລິຈາກເສື້ອຊ້ອນເກົ່າ ຕາມຮ້ານຄ້າຂອງແບຣນໃນຫຼາຍຈຸດ, ເພື່ອຮັບເອົາໄປປ່ຽນເປັນພະລັງງານເຊື້ອເພີງໃນການຜະລິດກະແສໄຟຟ້າ ທົດແທນພະລັງງານຖ່ານຫີນ.

​ຈາກຜົນທີ່ໄດ້ຮັບຫຼັງຈາກເລີ່ມຈັດຕັ້ງປະຕິບັດໂຄງການຕັ້ງແຕ່ປີ 2012-2021 ເຫັນວ່າມີຍອດຮັບບໍລິຈາກເຖິງ 619,000 ໂຕ, ສາມາດຫຼຸດປະລິມານຂີ້ເຫຍື້ອໄດ້ 62ໂຕນ, ໂດຍຊ່ວຍຫຼຸດປະລິມານການປ່ອຍອາຍເຮືອນແກ້ວ ແລະ ທົດແທນການໃຊ້ພະລັງງານຖ່ານຫີນໄດ້ຫຼາຍກວ່າ 402 ໂຕນກາກບອນດີອົກຊິດ, ເຊິ່ງທຽບເທົ່າການປູກຕົ້ນໄມ້ 33,529 ຕົ້ນ.

​ແລະ ທ່ານຮູ້ບໍ່ວ່າ, ໃນປະເທດລາວເອງກໍມີຈຸດຮັບບໍລິຈາກເສື້ອຊ້ອນຄືກັນ ສາມາດໄປບໍລິຈາກໄດ້ທີ່ Wacoal & Sabina & Triumph by ຮ້ານໃຈດີ, ເຊິ່ງເພິ່ນກໍຮັບບໍລິຈາກເສື້ອຊ້ອນໄປເປັນພະລັງງານສະອາດ ເພື່ອຊ່ວຍຫຼຸດປະລິມານສິ່ງເສດເຫຼືອ ພ້ອມທັງເປັນການກຳຈັດຂີ້ເຫຍື້ອໃຫ້ຖືກວິທີ, ໂດຍເສື້ອຊ້ອນທີ່ໄດ້ຮັບບໍລິຈາກນັ້ນ ຍັງຈະຖືກນໍາສົ່ງໃຫ້ກັບສະຖານຄຸ້ມຄອງພັດທະນາຄົນພິການອີກດ້ວຍ. ຢ່າລືມໄປບໍລິຈາກນໍາເພິ່ນຫຼາຍໆເດີ້.

ແຫຼ່ງຂໍ້ມູນ: https://www.springnews.co.th/news/825609https://www.facebook.com/Wacoal-Sabina-Triumph-by-%E0%BA%AE%E0%BB%89%E0%BA%B2%E0%BA%99%E0%BB%83%E0%BA%88%E0%BA%94%E0%BA%B5-746369775714197