ກອງປະຊຸມດັ່ງກ່າວມີຄວາມລົ້ມເຫຼວໃນການສ້າງຂໍ້ຕົກລົງໃນການຫຼຸດການຜະລິດ ແລະ ນໍາໃຊ້ນໍ້າມັນເຊື້ອໄຟອັນເປັນສາເຫດໃຫຍ່ຂອງການປ່ຽນແປງດິນຟ້າອາກາດ ສວນທາງກັບເປົ້າໝາຍທິ່ເຄີຍວາງໄວ້ວ່າຈະຫຼຸດຜ່ອນການນຳໃຊ້ພະລັງງານຮູບແບບດັ່ງກ່າວຂອງຜູ້ນຳປະເທດ G7 (ເປັນ 7 ປະເທດໃນ G20) ໃນກອງປະຊຸມເດືອນພຶດສະພາທີ່ຜ່ານມາ ທີ່ເມືອງ ຮິໂຣຊິມາ ປະເທດຍີ່ປຸ່ນ. ນອກນີ້, ຍັງບໍ່ໄດ້ມີການກ່າວເຖິງພະລັງງານຖ່ານຫິນທີ່ເປັນສາເຫດຫຼັກອີກຢ່າງໜຶ່ງຂອງພາວະໂລກຮ້ອນອີກດ້ວຍ.
ທັງນີ້, ໃນປະຈຸບັນ ອຸນຫະພູມໃນທົ່ວໂລກໄດ້ຂຶ້ນສູ່ລະດັບສູງເປັນປະຫວັດສາດ, ເຮັດໃຫ້ເກີດໄພນໍ້າຖ້ວມ, ພະຍຸ ແລະ ຄື້ນຄວາມຮ້ອນໃນຫຼາຍໆບ່ອນທົ່ວໂລກ, ເຊິ່ງມັນໄດ້ຮຽກຮ້ອງໃຫ້ມີການແກ້ໄຂບັນຫາໂດຍຮິບດ່ວນ ລວມທັງຄວາມໝາຍໝັ້ນໃນການແກ້ໄຂບັນຫາດັ່ງກ່າວນີ້ຈາກຜູ້ນຳໂລກ.
ແນວໃດກໍ່ຕາມ, ຄວາມບໍ່ລົງຮອຍກັນຂອງການເປິກສາຫາລືນີ້ ໄດ້ລວມເຖິງການໃຫ້ມີການເພີ່ມຂຶ້ນຂອງການຜະລິດ ແລະ ນໍາໃຊ້ພະລັງງານທົດແທນເປັນສາມເທົ່າພາຍໃນປີ 2030 ສົ່ງຜົນໃຫ້ເຈົ້າໜ້າທີ່ໄດ້ອອກຖະແຫຼງການຜົນໄດ້ຮັບຂອງກອງປະຊູມ ແລະ ບົດສະຫຼຸບຂອງປະທານ ແທນທີ່ຈະເປັນຖະແຫຼງການຮ່ວມ ໃນຕອນທ້າຍຂອງກອງປະຊຸມ.
ທັງນີ້, ຊາອຸດີ ອາຣາເບຍ, ຣັດເຊຍ, ຈີນ, ອາຟຣິກາໃຕ້ ແລະ ອິນໂດເນເຊຍ ລ້ວນແຕ່ເປັນທີ່ຮູ້ກັນວ່າຄັດຄ້ານເປົ້າໝາຍຂອງການເພີ່ມກຳລັງການຜະລິດພະລັງງານທົດແທນສາມເທົ່າໃນທົດສະວັດນີ້.
ແຫຼ່ງອ້າງອີງ:
#econewslaos #climatechange #G20Summit2023.
