ອີງຕາມການລາຍງານຂອງອົງການຄົ້ນຄວ້າອາວະກາດແຫ່ງຊາດເບຣຊິນ INPE ຊີ້ໃຫ້ເຫັນວ່າ, ໃນເວລາ 29 ມື້ທໍາອິດຂອງເດືອນ ເມສາ 2022 ການຕັດໄມ້ທໍາລາຍປ່າໃນເຂດດັ່ງກ່າວແມ່ນກວມເອົາ 1,012​.5 ຕາລາງກິໂລແມັດ ແລະ ໃນ 4 ເດືອນທໍາອິດລວມກັນແມ່ນຢູ່ທີ່ 1,954 ຕາລາງກິໂລແມັດ, ເຊິ່ງເພີ່ມຂຶ້ນສູງທີ່ສຸດນັບຕັ້ງແຕ່ປີ 2008 ເປັນຕົ້ນມາ ແລະ ສະເລ່ຍສູງປະມານສອງເທົ່າຂອງເດືອນ ເມສາ ປີ 2021.

​​​ ການສູນເສຍພື້ນທີ່ປ່າອາເມຊອນ ເພີ່ມຂຶ້ນເກືອບ 20% ຂອງພື້ນທີ່ປ່າທັງໝົດນັບຕັ້ງແຕ່ປີ 1970, ໂດຍຫຼາຍບົດວິໄຈທີ່ມີການທົດລອງໃນພື້ນທີ່ດັ່ງກ່າວລ້ວນແລ້ວແຕ່ສະເໜີໄວ້ວ່າ ປ່າອາເມຊອນໃກ້ເຖິງຈຸດປ່ຽນແປງທີ່ສຸດ, ຈາກປ່າຝົນທີ່ອຸດົມສົມບູນອາດກາຍເປັນພຽງທົ່ງຫຍ້າສະວັນນາທີ່ຂຽວງາມ, ຜົນກະທົບອັນຮ້າຍແຮງນີ້ຈະມີຜົນຕໍ່ການປ່ຽນແປງດິນຟ້າອາກາດ ແລະ ຄວາມຫຼາກຫຼາຍທາງຊີວະນາໆພັນ, ແລະ ຍັງຈະມີຜົນກະທົບທີ່ຮຸນແຮງຕໍ່ປະລິມານນໍ້າຝົນໃນທົ່ວໂລກ.

ແຫຼ່ງທີ່ມາ: https://news.mongabay.com/.../amazon-deforestation.../https://www.theguardian.com/.../record-after-record...