ການປ່ຽນແປງຂອງດິນຟ້າອາກາດກໍ່ໃຫ້ເກີດການຂາດແຄນຜັກກາດຂາວທີ່ເປັນສ່ວນປະກອບຫຼັກຂອງກິມຈິ. ໂດຍທົ່ວໄປແລ້ວ, ຜັກກາດຂາວແມ່ນຕ້ອງການອາກາດໜາວ ແລະ ອຸນຫະພູມທີ່ຄົງທີ່ ໃນການຕະເລີນເຕີບໂຕທີ່ເໝາະສົມ. ແຕ່ຍ້ອນຜົນກະທົບຂອງການປ່ຽນແປງຂອງດິນຟ້າອາກາດໃນປີຜ່ານໆມາເຮັດໃຫ້ໂລກມີອຸນຫະພູມທີ່ສູງຂຶ້ນ ເຊິ່ງສົ່ງຜົນໃຫ້ຜັກກາດຂາວໄດ້ຮັບຄວາມເສຍຫາຍ ແລະ ເກັບກ່ຽວໄດ້ໜ້ອຍລົງ ເຊິ່ງນໍາໄປສູ່ ລາຄາຜັກກາດຂາວສູງຂຶ້ນເປັນເປັນເທົ່າໂຕ. ບໍ່ພຽງແຕ່ການປະເຊີນໜ້າກັບອຸນຫະພູມທີ່ຮ້ອນຂຶ້ນເທົ່ານັ້ນ ແຕ່ຊາວກະສິກອນຜູ້ທີ່ປູກຜັກກາດຂາວ ຍັງຕ້ອງພົບກັບຝົນຕົກໜັກ ແລະ ພາຍຸໄຕ້ຝຸ່ນ ທີ່ທໍາລາຍຜົນລະປູກນໍາອີກດ້ວຍ.

ທ່ານ Kim Myung-Hyun, ນັກ​ວິ​ໄຈ​ຈາກ​ສະ​ຖາ​ບັນ​ວິ​ທະ​ຍາ​ສາດ​ກະ​ສິ​ກຳ​ແຫ່ງ​ຊາດ​​ເກົາ​ຫຼີ​ໃຕ້, ກ່າວໄວ້ວ່າ “ຖ້າຫາກການປ່ຽນແປງຂອງດິນຟ້າອາກາດຍັງຄົງສືບຕໍ່ໄປ, ພາຍໃນປີ 2090 ຜັກກາດຂາວທີ່ປູກຢູ່ພື້ນທີ່ຮາບສູງຂອງເກົາຫຼີຈະຫຼຸດລົງ 99 ສ່ວນຮ້ອຍ ເຊິ່ງໝາຍຄວາມວ່າຈະບໍ່ມີການເກັບກ່ຽວຜັກກາດຂາວອີກຕໍ່ໄປ”

ແຫຼ່ງຂໍ້ມູນອ້າງອີງ:

https://www.washingtonpost.com/world/2022/09/23/south-korea-kimchi-crisis-shortage/?fbclid=IwAR1dGtqiH-lAmndylUfKJ5wdx2qporBeodEJ-V2uPjA0ATE48w5UMlZmWbg

#econewslaos #climatechange #globalwarming