ການທີ່ພະຍາດຈຸລິນຊີຕ່າງໆມີຄວາມສາມາດຕ້ານທານໄດ້ຫຼາຍຂຶ້ນ ແມ່ນເອີ້ນວ່າ antimicrobial resistance ຫຼື AMR ເຊິ່ງປະຈຸບັນເກີດຈາກຜົນກະທົບທາງສິ່ງແວດລ້ອມ ໂດຍສະເພາະແມ່ນ ພາວະໂລກຮ້ອນ ແລະ ການປົນເປື້ອນຂອງມົນລະພິດຈາກຫຼາຍທີ່ມາ. ສິ່ງນີ້ແມ່ນມີອິດທິພົນຢ່າງຫຼວງຫຼາຍໃນການເຮັດໃຫ້ສານເຄມີ ແລະ ຢາຕ່າງໆທີ່ມະນຸດນໍາໃຊ້ເພື່ອປົວພະຍາດ, ຂ້າເຊື້ອແບັກທີເລຍ, ເຊື້ອໄວຣັສ, ເຊື້ອເຫັດ ແລະ ແມ່ກາຝາກ ມີປະສິດທິພາບໜ້ອຍລົງຊັກໄຊ້. ທັງນີ້ ມະນຸດກໍໄດ້ມີການນໍາໃຊ້ເພື່ອຊ່ວຍຊີວິດມານັບບໍ່ຖ້ວນຜ່ານທາງການແພດ ແລະ ຍັງມີບົດບາດສຳຄັນໂດຍກົງກັບຄວາມໝັ້ນຄົງທາງດ້ານສະບຽງອາຫານເນື່ອງຈາກມັນໄດ້ຖືກນໍາໃຊ້ເຂົ້າໃນການເຮັດກະສິກຳອີກດ້ວຍ. ນອກຈາກນີ້, ການວິໄຈທີ່ຜ່ານມາໃຫ້ເຫັນວ່າການຕິດເຊື້ອແບັກທີເລຍທີ່ທົນທານຕໍ່ຢາຕ້ານເຊື້ອໄດ້ມີບົດບາດໃນການເສຍຊີວິດເກືອບ 5 ລ້ານຄົນໃນປີ 2019. ອົງການອະນາໄມໂລກ (WHO) ຖືວ່າການຕໍ່ຕ້ານເຊື້ອແບັກທີເລຍເປັນຫນຶ່ງໃນ 10 ໄພຂົ່ມຂູ່ຕໍ່ສຸຂະພາບຂອງໂລກ ແລະ ຄາດວ່າອາດມີການສູນເສຍເຖິງ 10 ລ້ານຊີວິດ ພາຍໃນປີ 2050. ຍິ່ງໄປກວ່ານັ້ນ, ບົດລາຍງານທີ່ກ່າວມາຂ້າງເທິງຍັງໄດ້ອ້າງວ່າ ການຕ້ານທານຂອງພະຍາດຈຸລິນຊີອາດເຮັດໃຫ້ລັດຖະບານມີການສູນເສຍທາງເສດຖະກິດຫຼາຍຕື້ໂດລາ ແລະ ເຮັດໃຫ້ປະຊາຊົນ 24 ລ້ານຄົນໃນທົ່ວໂລກຂາດແຄນອັນເກີດມາຈາກຄວາມທຸກຍາກ. ທັງນີ້, ບັນຫາດັ່ງກ່າວອາດຖືກແກ້ໄຂໃຫ້ດີຂຶ້ນໄດ້ໂດຍການຍົກລະດັບການປ້ອງກັນການປົນເປື້ອນມົນລະພິດຈາກບັນດາອຸສາຫະກຳ ແລະ ໂຮງໝໍຕ່າງໆ. ສິ່ງສຳຄັນແມ່ນ ການແກ້ໄຂບັນຫາທີ່ປາຍເຫດເຊັ່ນການບຳບັດດິນ ຫຼື ນໍ້າໃນທຳມະຊາດທີ່ປົນເປື້ອນຢູ່ແລ້ວນັ້ນຍາກ ແລະ ໃຊ້ຄ່າໃຊ້ຈ່າຍເປັນຈຳນວນມະຫາສານ. ທີ່ມາ: - https://www.unep.org/resou.../superbugs/environmental-action - https://news.mongabay.com/.../pollution-and-climate.../ #econewslaos #climatechange #onehealth #pollution