ໂດຍທ່ານ ອາລິສັນ ພອລລັສ (Alison Paulus) ຜູ້ກໍ່ຕັ້ງອົງກອນເພື່ອສັດປ່າ ໄດ້ອອກມາເປີດເຜີຍວ່າຈາກຂໍ້ມູນການວັດແທກຂະໜາດເບື້ອງຕົ້ນ “ຮ່າງຂອງປາໝຶກລໍາໂຕມີຄວາມຍາວປະມານ 2.2ແມັດ ຫາກລວມທັງຫນວດນຳ ກໍຫນ້າຈະມີຄວາມຍາວເຖິງ 3.5ແມັດ”, ປາໝຶກຊະນິດນີ້ເປັນສາຍພັນທີ່ມັກອາໄສຢູ່ໃຕ້ນ້ຳທີ່ມີຄວາມເລິກຕັ້ງແຕ່ 300 – 1,000 ແມັດ ຄາດການວ່າຖືກເຮືອຕຳໃນຂະນະທີ່ຂຶ້ນມາເທິງຫນ້ານ້ຳ.

​ ທ່ານ ຈອນ ຟຣີດແມນ (Jon Friedman) ເຈົ້າຫນ້າທີ່ຮັກສາສັດປ່າຈາກ ສະມາຄົມແຫ່ງຄວາມຫວັງເພື່ອປົກປ້ອງການທຳຮ້າຍສັດ (SPCA) ເຜີຍວ່າປາໝຶກໂຕນີ້ ເປັນປາໝຶກເພດເມຍ ທີ່ມີອາຍຸປະມານ 2ປີ ໂດຍຄາດການວ່າມັນຫນ້າຈະຖືກເຮືອຫາປາຕຳໃນຂະນະທີ່ຂຶ້ນມາຢູ່ບໍລິເວນຫນ້ານ້ຳ,ເນື່ອງຈາກພົບເຫັນຮ່ອງຮອຍຄ້າຍຄືກັນກັບຮອຍໃບພັດຢູ່ເທິງໂຕຂອງປາໝຶກ.

​ ຄວາມຈິງແລ້ວປາໝຶກເຫຼົ່ານີ້ ເປັນປາໝຶກທີ່ມັກອາໄສຢູ່ໃຕ້ນ້ຳທະເລທີ່ມີຄວາມເລິກພວກມັນມີອາຍຸໄດ້ເຖິງປະມານ 5 ປີ ມີຄວາມຍາວສູງສຸດໄດ້ເຖິງ 13 ແມັດແລະ ມັກຈະບໍ່ຄ່ອຍຂຶ້ນມາເຖິງຫນ້ານ້ຳ, ເຊິ່ງຂໍ້ມູນທີ່ນັກວິທະຍາສາດມີກ່ຽວກັບປາໝຶກຍັກຊະນິດນີ້ ສ່ວນໃຫຍ່ແມ່ນໄດ້ຈາກການບັນທຶກຊາກສົບຂອງພວກມັນຕາມຊາຍຫາດ, ໃນປະຈຸບັນຕາມການລາຍງານແມ່ນມີຊາກປາໝຶກຍັກຢູ່ທັງໝົດ 19 ໂຕ ທີ່ເກັບໄວ້ໃນພິພິຕະພັນ.

​ ກ່ອນທີ່ເຈົ້າຫນ້າທີ່ SPCA ຈະໄປຮອດຈຸດເກີດເຫດ ຄົນຫາປາໃນພື້ນທີ່ກໍ່ໄດ້ຕັດເອົາສ່ວນ ຕາ, ປາກ ແລະ ຫນວດຂອງປາໝຶກໄປແລ້ວ, ກ່ອນຈະຕັດແບ່ງຮ່າງປາໝຶກທີ່ເຫຼືອ ແລະ ນຳກັບໄປຖິ້ມລົງໃນທະເລ,ເຈົ້າໜ້າທີ່ຈຶ່ງທຳການເກັບຕົວຢ່າງເນື້ອເຍື່ອບາງສ່ວນ ສົ່ງໄປກວດທີ່ພິພິຕະພັນ ອິຊິໂກອາຟຣິກາໃຕ້ (Iziko South African Museum) ໃນເມືອງເຄບ (Cape Town) ເພື່ອກວດສອບຫາດີເອັນເອ.

ແຫຼ່ງທີ່ມາ: https://www.livescience.com/giant-squid-washes-ashore…

https://www.facebook.com/1523107561151019/posts/4781225905339152/?d=n