ອາມິຕິເອ້ AMITE ສິນຄ້າຫັດຖະກໍາລາວທີ່ເຮັດຈາກໄຍກ້ວຍ
ອາມິຕິເອ້ AMITE ສິນຄ້າຫັດຖະກໍາລາວທີ່ເຮັດຈາກໄຍກ້ວຍ
13 June, 2022
Share now
ແບຣນ AMITIÉ_Laos (ອາມິຕິເອ້) ຜະລິດຕະພັນລາວນ້ອງໃໝ່ທີ່ເຮັດຈາກໄຍກ້ວຍ ເປັນແບຣນທີ່ມີຄວາມຜູກພັນລະຫວ່າງຄົນກັບທຳມະຊາດ ແລະ ຖືກຜະລິດໂດຍຝີມືຂອງກຸ່ມຄົນພິການທີ່ມີເລື່ອງລາວຄວາມເປັນມາທີ່ໜ້າສົນໃຈ.

ທ່ານ ນາງ ສົມໄພວອນ ວິໄລພອນ ຜູ້ຮ່ວມກໍ່ຕັ້ງແບຣນ AMITIÉ (ອາມິຕິເອ້) ແລະ ທ່ານ ນາງ ດາລິນຍາ ສິລິສົມພອນ ໄດ້ໃຫ້ສຳພາດວ່າ: ແບຣນ AMITIÉ (ອາມິຕິເອ້) ເປັນແບຣນຜະລິດຕະພັນສິນຄ້າຫັດຖະກຳ ໂດຍເຮັດວຽກກັບກຸ່ມຄົນພິການ, ແມ່ຍິງ, ຊຸມຊົນ ແລະ ຄົນວ່າງງານ. ເຊິ່ງມີຈຸດປະສົງ ຫຼື ເປົ້າໝາຍຫຼັກຄື:

- ເພື່ອຢາກຊ່ວຍເຫຼືອ ແລະສົ່ງເສີມໃຫ້ກຸ່ມຄົນພິການ, ແມ່ຍິງ, ຊຸມຊົນ ແລະ ຄົນວ່າງງານໄດ້ມີອາຊີບ, ມີລາຍຮັບໃນການ ດຳລົງຊີວິດປະຈຳວັນ.

- ເພື່ອຢາກຜະລິດສິນຄ້າທີ່ເປັນມິດຕໍ່ສິ່ງແວດລ້ອມ, ທີ່ສາມາດນຳໃຊ້ໄດ້ດົນ ແລະ ຍ່ອຍສະຫຼາຍເອງໄດ້.- ວັດຖຸດິບທີ່ນຳມາຜະລິດແມ່ນມາຈາກທຳມະຊາດ.

- ເພື່ອສົ່ງເສີມໄວໜຸ່ມລາວໃຫ້ຫັນມາສົນໃຈໃນຜະລິດຕະພັນລາວ ແລະ ພັດທະນາສິນຄ້າລາວໃຫ້ມີຄຸນນະພາບທີ່ສາມາດສົ່ງອອກ ສູ່ຕະຫຼາດສາກົນໄດ້.

- ເພື່ອຮັກສາພາຍໃຕ້ຫົວຂໍ້ໂຄງການ " ສົ່ງເສີມຜະລິດຕະພັນແຜ່ນແພໄຍກ້ວຍຈາກແມ່ຍິງພິການລາວ" ແລະ ໄດ້ຖືກເລືອກຈາກໂຄງການ Youth Innovation Challenge 2021 ຈາກທາງ UNDP Lao PDR.

AMITIÉ (ອາມິຕິເອ້) ມີຄວາມໝາຍຄື "ມິດຕະພາບ" ທີ່ມາຈາກພາສາຝຣັ່ງທີ່ສື່ໃຫ້ເຫັນເຖິງມິດຕະພາບລະຫວ່າງຄົນ ແລະ ສິ່ງແວດລ້ອມ. ສິນຄ້າຂອງແບຣນ AMITIÉ ໃນຕອນນີ້ແມ່ມີກະເປົາ Handmade, ເສື້ອຜ້າ, ເຄື່ອງປະດັບ ແລະ ອື່ນໆ, ທີ່ເຮັດດ້ວຍແພໄຍກ້ວຍເຊິ່ງມັນຈະມີຄວາມເງົາງາມຄ້າຍຄືໄໝມ້ອນ.

post-images

ຈຸດເດັ່ນຂອງແບຣນກໍຍັງມີການຕົບແຕ່ງສີສັນໂດຍໃຊ້ຜ້າ ຝ້າຍທີ່ຍ້ອມດ້ວຍສີທຳມະຊາດຈາກຫຼວງພະບາງ ແລະ ທີ່ສຳຄັນແມ່ນປັກແສ່ວໂດຍຄົນພິການ. ໃນອານາຄົດທາງແບຣນເອງກໍມີແຜນວ່າຈະເຮັດເກີບຈາກແຜ່ນແພໄຍກ້ວຍອີກດ້ວຍ.

post-images

ໃນຂະບວນການຜະລິດແບຣນ AMITIÉ (ອາມິຕິເອ້) ກ່ອນຈະໄດ້ສິນຄ້າ ຫຼື ຜະລິດຕະພັນໜຶ່ງເຊິ່ງມັນຕ້ອງໄດ້ຜ່ານຂະບວນການຢ່າງຫຼວງຫຼາຍ, ຕ້ອງໄດ້ໃຊ້ເວລາ, ໃຊ້ຄວາມອົດທົນ ແລະ ຄວາມປານີດຢ່າງສູງ. ເພາະສະນັ້ນ, ມັນຈຶ່ງເຮັດໃຫ້ກາຍເປັນຜະລິດຕະພັນທີ່ມີຄຸນຄ່າ ແລະ ມີເລື່ອງເລົ່າໃນໂຕມັນເອງ.

post-images

ຖ້າຫາກທ່ານໃດຢາກສະໜັບສະໜູນ ຫຼື ຢາກສົ່ງເສີມຜະລິດຕະພັນຂອງແບຣນດັ່ງກ່າວສາມາດໄປຢ້ຽມຊົມໄດ້ທີ່ທາດຫຼວງພາຊາຊັ້ນ2, ບ້ານທາດຫຼວງໃຕ້, ເມືອງໄຊເສດຖາ, ນະຄອນຫຼວງວຽງຈັນ.

ທີ່ມາ: AMITIÉ_Laoshttps://m.facebook.com/AMITI%C3%89_Laos-106358251830086/https://www.facebook.com/.../a.107280.../494871079056370/...

See what people say about this article
Our Sponsor
Ad
Small Ad
Small Ad 2
Small Ad 3
Related Articles
ໄຟໄໝ້ປ່າຮຸນແຮງ ທີ່ເກາະມວຍ, ລັດຮາວາຍຂອງສະຫະລັດອາເມຣິກາ ເຮັດໃຫ້ເມືອງ ລາໄຮນາ ຖືກເຜົາທັ້ງໝົດ.
16 August, 2023
ໄຟໄໝ້ປ່າຮຸນແຮງ ທີ່ເກາະມວຍ, ລັດຮາວາຍຂອງສະຫະລັດອາເມຣິກາ ເຮັດໃຫ້ເມືອງ ລາໄຮນາ ຖືກເຜົາທັ້ງໝົດ.
ໃນວັນທີ 8 ສິງຫາທີ່ຜ່ານມາ ໄດ້ເກີດມີເຫດການໄຟໄໝ້ປ່າຢ່າງຮຸນແຮງທີ່ເກາະມວຍ (Maui), ລັດຮາວາຍ (Hawaii) ຂອງສະຫະລັດອາເມຣິກາ, ໂດຍມີເມືອງລາໄຮນາ (Lahaina) ເປັນຈຸດທີ່ໄດ້ຮັບຜົນກະທົບຫຼາຍທີ່ສຸດຈາກການລຸກລາມຂອງໄຟປ່າຄັ້ງນີ້. ໂດຍເຫດການດັ່ງກ່າວ ແມ່ນຖືເປັນເຫດການໄຟໄໝ້ທີ່ເກີດຈາໄພພິບັດທຳມະຊາດທີ່ຮ້າຍແຮງທີ່ສຸດໃນຮອບ 100 ປີ; ອີກທັງຍັງມີຕົວເລກຈໍານວນຜູ້ເສຍຊີວິດຫຼາຍກວ່າເຫດການສຶນະມິໃນປີ 1960 ທີ່ມີຜູ້ເສຍຊີວິດ 61 ຄົນ, ແຕ່ໃນຄັ້ງນີ້ແມ່ນມີຕົວເລກຜູ້ເສຍຊີວິດຫຼາຍກວ່າ 100 ຄົນທີ່ຖືກຢືນຢັນ ແລະ ຍັງມີຫຼາຍກວ່າ 1300 ຄົນທີ່ຍັງຄົງຫາຍສາບສູນ ແລະ ຢູ່ໃນລະຫວ່າງການຄົ້ນຫາ.