ໂຄງການທົດລອງຄັດເລືອກຂີ້ເຫຍື້ອນຳມາໃຊ້ຄືນໄດ້ (SRW) ແມ່ນມີຈຸດປະສົງເພື່ອເພີ່ມອັດຕາການນຳສິ່ງເສດເຫຼືອມາໃຊ້ຄືນໃນຊຸມຊົນ ແລະ ທົດສອບພຶດຕິກໍາຂອງຜູ້ບໍລິໂພກຕໍ່ກັບການແຍກຂີ້ເຫຍື້ອ. ໂຄງການດັ່ງກ່າວນີ້ແມ່ນໄດ້ຖືກຈັດຕັ້ງປະຕິບັດໂດຍ ອົງການສະຫະປະຊາຊາດເພື່ອການພັດທະນາ ຮ່ວມມືກັບ Green Vientiane, ອົງການກາແດງລາວ ແລະ ອົງການກາແດງ ສະວິສ.

ໃນວັນສຸກ, 6 ມັງກອນທີ່ຜ່ານມາ ທີມງານໂຄງການໄດ້ເຂົ້າໄປມອບຖັງຂີ້ເຫຍື້ອຖັງທຳອິດທີ່ຮ້ານຈັນຫອມ ແລະ ຈັດຕັ້ງການເຝິກອົບຮົມວິທີການນຳໃຊ້ ແລະ ເບິ່ງແຍງຮັກສາກັບທາງພະນັກງານຮ້ານໃນວັນທີ 8 ມັງກອນ.

ທັ້ງນີ້, ໂຄງການດັ່ງກ່າວຈະສົ່ງມອບຖັງຂີ້ເຫຍື້ອແຍກນີ້ໃຫ້ແກ່ອີກ 9 ຮ້ານຂາຍເຄື່ອງທົ່ວນະຄອນຫຼວງວຽງຈັນ. ທ່ານສາມາດຕິດຕາມ Econews Laos ໄດ້ສຳລັບຂໍ້ມູນເພີ່ມຕື່ມ.