ຮູ້ຫຼືບໍ່ວ່າປລາສຕິກທີ່ທ່ານໃຊ້ໃນເວລາອັນແສນສັ້ນ, ເມື່ອຖິ້ມໄປນັ້ນມີໄລຍະເວລາຢູ່ໄດ້ເຖິງຫຼາຍລ້ານປີ ແລະ ບໍ່ໄດ້ຖືກນໍາໄປກໍາຈັດຢ່າງຖືກວິທີທັງໝົດ. ຕາມບົດລາຍງານຂອງ UNEP ໃນປີ 2018 ໄດ້ເຜີຍວ່າ ມີຂີ້ເຫຍື້ອປລາສຕິກຈໍານວນ 7 ພັນລ້ານໂຕນກະຈາຍຢູ່ທົ່ວໂລກ, ແຕ່ມີບໍ່ເຖິງ 10% ຂອງສິ່ງເສດເຫຼືອທີ່ຖືກນໍາໄປຜະລິດຄືນໃຫມ່. ຫາກຂີ້ເຫຍື້ອປລາສຕິກເຫຼົ່ານີ້ຖືກນໍາໄປຜະລິດຄືນໃຫມ່ຈະເປັນການປົກປັກຮັກສາສິ່ງແວດລ້ອມ ແລະ ສົ່ງເສີມເສດຖະກິດໝູນວຽນຢ່າງມີປະສິດທິພາບ, ເພາະໃນຂະບວນການຜະລິດຄືນໃຫມ່ຈະຊ່ວຍຫຼດການປ່ອຍທາດກາກບອນດີອົກຊິດໄດ້ສູງເຖິງ 700 ລ້ານໂຕນ ແລະ ຄາດວ່າຈະຊ່ວຍຫຼຸດໄດ້ເພີ່ມເຖິງ 1 ພັນລ້ານໂຕນພາຍໃນປີ 2030.