ຈອກກາເຟກິນໄດ້ຜະລິດຕະພັນຈາກຄົນລາວ
ຈອກກາເຟກິນໄດ້ຜະລິດຕະພັນຈາກຄົນລາວ
11 August, 2022
Share now
ຂີ້ເຫຍື້ອປລາສຕິກຈາກອຸດສາຫະກຳອາຫານ ແລະ ເຄື່ອງດື່ມແມ່ນເກີດຂຶ້ນເປັນຈຳນວນຫຼາຍໃນແຕ່ລະວັນ ເຊິ່ງມັນເຮັດໃຫ້ພວກເຮົາເຂົ້າໃກ້ບັນຫາຂີ້ເຫຍື້ອລົ້ນໂລກນັບມື້ນັບຫຼາຍຂຶ້ນ. ຢ່າງໃດກໍຕາມ ໃນປະຈຸບັນ ກຸ່ມຄົນທີ່ມີແນວຄິດແກ້ໄຂບັນຫາດັ່ງກ່າວກໍໄດ້ມີການສ້າງຜະລິດຕະພັນຕ່າງໆທີ່ສາມາດເປັນທາງອອກທີ່ສ້າງສັນນັບມື້ນັບຫຼາຍ.

ທ່ານຮູ້ຫຼືບໍ່ ວ່າທ່ານສາມາດກິນຈອກກາເຟຂອງທ່ານໄດ້?

ຂີ້ເຫຍື້ອປລາສຕິກຈາກອຸດສາຫະກຳອາຫານ ແລະ ເຄື່ອງດື່ມແມ່ນເກີດຂຶ້ນເປັນຈຳນວນຫຼາຍໃນແຕ່ລະວັນ ເຊິ່ງມັນເຮັດໃຫ້ພວກເຮົາເຂົ້າໃກ້ບັນຫາຂີ້ເຫຍື້ອລົ້ນໂລກນັບມື້ນັບຫຼາຍຂຶ້ນ. ຢ່າງໃດກໍຕາມ ໃນປະຈຸບັນ ກຸ່ມຄົນທີ່ມີແນວຄິດແກ້ໄຂບັນຫາດັ່ງກ່າວກໍໄດ້ມີການສ້າງຜະລິດຕະພັນຕ່າງໆທີ່ສາມາດເປັນທາງອອກທີ່ສ້າງສັນນັບມື້ນັບຫຼາຍ.

ໃນນັ້ນ, “ຈອກກິນໄດ້” ເປັນອີກໜຶ່ງຜະລິດຕະພັນທີ່ຜະລິດໂດຍຄົນລາວ ທີ່ຈະມາສ້າງຄວາມປ່ຽນແປງດ້ານການບໍລິໂພກກາເຟແບບເປັນມິດຕໍ່ສິ່ງແວດລ້ອມ. ຜະລິດຕະພັນດັ່ງກ່າວແມ່ນໄດ້ມີການຄົ້ນຄິດ ແລະ ຜະລິດໂດຍຝີມືຂອງໄວໜຸ່ມລາວ ທີ່ຊື່ວ່າ “ລັດດາວັນ ເເກ້ວດາລາ” ຫຼືວ່າ “ມາຣິນາ” ໄວໜຸ່ມລາວທີ່ມີອາຍຸພຽງ 18 ປີ, ເຊິ່ງແນວຄິດຜະລິດຕະພັນ “ຈອກກິນໄດ້” ນີ້ເອງກໍສາມາດຍາດໄດ້ລາງວັນຮອງອັນດັບ 2 ໃນໂຄງການ Toyota Incubation Programme ໃນປີ 2022 ນີ້.

ມາຣິນາ ໄດ້ມີການຄິດຄົ້ນຈອກກິນໄດ້ນີ້ໂດຍໄດ້ມີການໃຊ້ເຄື່ອງປຸງປະກອບແບບຄຸກກີ້ລົດຊາດຊັອກໂກແລັດ ເເລະ ຊາຂຽວ ທີ່ເປັນສ່ວນປະກອບຈາກພືດທັງໝົດ ຫຼື plant-based, ບໍ່ນຳໃຊ້ໄຂ່ ຫຼື ເນີຍ ເຮັດໃຫ້ທຸກຄົນສາມາດກິນໄດ້ ບໍ່ວ່າຈະເປັນຄົນທີ່ກິນເຈ (vegan) ຫຼື ເປັນພູມເເພ້. ຈອກດັ່ງກ່າວແມ່ນສາມາດຮັບເຄື່ອງດື່ມທີ່ມີຄວາມຮ້ອນໄດ້ເຖິງ 100c ເເລະ ຄວາມເຢັນໄດ້ເຖິງ -20c ເປັນໄລຍະເວລາບໍ່ຕໍ່າກວ່າ 1 ຊົ່ວໂມງ. ຈຸດດີຂອງການໃຊ້ຈອກກິນໄດ້ ກໍຄືທ່ານສາມາດດື່ມເຄື່ອງດື່ມທີ່ທ່ານມັກ ເເລ້ວຍັງສາມາດກິນຄຸກກີ້ພາຍຫຼັງ. ນອກຈາກອີ່ມທ້ອງເເລ້ວ ມັນກໍຍັງຊ່ວຍຫຼຸດຈຳນວນຂີ້ເຫຍື້ອທີ່ອາດຈະເຮັດມາຈາກວັດສະດຸທີ່ເປັນພິດເຊັ່ນ ປລາສຕິກ ໄດ້ອີກດ້ວຍ.

ທັງນີ້, ມາຣິນາ ກໍແມ່ນໄວໜຸ່ມຜູ້ໜຶ່ງທີ່ມັກ ແລະ ຫຼົງໄຫຼໃນການປະກອບທຸລະກິດເພື່ອສັງຄົມ ແລະ ທັງເປັນອາສາສະໝັກຂອງອົງກອນ Zero Waste Laos ທີ່ເຮັດວຽກດ້ານການປຸກລະດົມຈິດສໍານຶຶກດ້ານສິ່ງແວດລ້ອມທີ່ເຊິ່ງລາວເອງໄດ້ຮັບຄວາມຮູ້ ແລະ ແຮງບັນດານໃຈໃນເລື່ອງບັນຫາຂີ້ເຫຍື້ອ ແລະ ການຂາດທາງເລືອກດ້ານບັນຈຸພັນທີ່ເປັນມິດຕໍ່ສິ່ງແວດລ້ອມຂອງລາວ. ນອກຈາກນີ້, “ຈອກກິນໄດ້” ກໍຖືກໍາເນີດມາຈາກປະສົບການທີ່ ມາຣີນາ ໄດ້ໄປສຶກສາຢູ່ປະເທດຍີ່ປຸ່ນ ເຊິ່ງມື້ໜື່ງນ້ອງສາວຄົນຍີ່ປຸ່ນພາລາວເຮັດຂະໜົມຄຸກກີ້ສູດ plant-based ເຊີ່ງມັນເປັນຂະໜົມທີ່ເເຂງເເຕ່ເເຊບ. ມາຣິນາ ເລີຍກັບມາປັບສູດ ເເລະ ທົດລອງຢູ່ລາວ ຈົນກາຍເປັນ ຈອກຄຸກກີ້ທີ່ກິນໄດ້ໃນທີ່ສຸດ.

ປະຈຸບັນ, ມາຣິນາ ເອງກໍກຳລັງພັດທະນາສູດເພື່ອກ້າວຜ່ານຂໍ້ຈຳກັດຕ່າງໆ ແລະ ວາງເປົ້າອອກຈຳໜ່າຍໃນໄວໆນີ້ໃນບັນດາທ່ານຜູ້ອ່ານໄດ້ລອງໃຊ້ ແລະ ຮັບປະທານຈອກແຊບໆຄູ່ກັບກາເຟທີ່ທ່ານມັກ. ເປົ້າໝາຍໄລຍະຍາວຂອງ “ຈອກກິນໄດ້” ແນ່ນອນວ່າເພື່ອການຮັກສາສິ່ງແວດລ້ອມທີ່ດີ. ແຕ່ນອກຈາກນີ້, ລາວຍັງໄດ້ວາງເປົ້າໝາຍໃນການແບ່ງກໍາໄລເຂົ້າໃນໂຄງການພັດທະນາໄວໜຸ່ມໃນອະນາຄົດອີກດ້ວຍ.

ຕິດຕາມບົດສຳພາດເຕັມໄດ້ທາງ website ຂອງ Econews Laos.

#econewslaos#plasticfree

See what people say about this article
Our Sponsor
Ad
Small Ad
Small Ad 2
Small Ad 3
Related Articles
ຍີ່ປຸ່ນພົບເກາະນ້ອງໃໝ່ທີ່ເກີດຈາກການລະເບີດຂອງພູໄຟໃຕ້ທະເລ
30 November, 2023
ຍີ່ປຸ່ນພົບເກາະນ້ອງໃໝ່ທີ່ເກີດຈາກການລະເບີດຂອງພູໄຟໃຕ້ທະເລ
ປະກົດການການລະເບີດຂອງພູໄຟຖືເປັນອີກໜື່ງໄພຈາກທຳມະຊາດທີ່ຍັງຄົງປາກົດໃຫ້ເຫັນໃນປັດຈຸບັນ. ເຊັ່ນດຽວກັນກັບເຫດການລ່າສຸດທີ່ພູໄຟໃຕ້ທະເລໃນອານາເຂດຂອງປະເທດຍີ່ປຸ່ນໄດ້ປະທຸຂຶ້ນ ໂດຍຄາດການວ່າການລະເບີດຂອງພູໄຟນັ້ນເກີດຂື້ນໃນຊ່ວງເດືອນຕຸລາທີ່ຜ່ານມາ.