ອີງຕາມ ກົມອຸຕຸນິຍົມ ແລະ ອຸທົກກະສາດ ແຈ້ງໃຫ້ທຸກຄົນທີ່ອາໄສລຽບຕາມລໍານໍ້າຂອງໃນຂົງເຂດນະຄອນຫຼວງວຽງຈັນ ທີ່ອາໄສຢູ່ໃນພື້ນທີຕໍ່າ ເປັນຕົ້ນແມ່ນ ເຂດບ້ານໜອງດາ, ເມືອງສີສັດຕະນາກ ແລະ ເຂດບ້ານຫ້ອມ, ເມືອງຫາດຊາຍຟອງ ໃຫ້ເຝົ້າລະວັງລະດັບນໍ້າຂອງ ແລະ ກຽມຄວາມພ້ອມຕໍ່ການຮັບມືກັບລະດັບນໍ້າຖ້ວມ. ເນື່ອງຈາກມີຝົນລະດັບປານກາງ ຫາ ໜັກຕິດຕໍ່ກັນ ເຮັດລະດັບນໍ້າແມ່ນໄດ້ກາຍເຂດເຕືອນໄພ ກໍຄື 11.50 ແມັດ ເຊິ່ງໃນເວລາ 12:00 ໂມງ ຂອງວັນທີ 28 ສິງຫາ ແມ່ນແທກໄດ້ 11.68 ແມັດ ແລະ ລະດັບອັນຕະລາຍ ແມ່ນ 12.50 ແມັດ.