ໃນແຕ່ລະປີຈະມີນັກປີນພູປະມານ 800 ຄົນປີນຂຶ້ນໄປຍອດພູ ແລະ ອີງຕາມການລາຍງານຂອງສື່ National Geographic, ນັກປີນພູຈະມີການຖິ້ມຂີ້ເຫຍື້ອປະໄວ້ເທິງຍອດພູສະເລ່ຍປະມານ 8kg ຕໍ່ຄົນ, ເຊິ່ງປະກອບດ້ວຍຂີ້ເຫຍື້ອທີ່ເປັນພາຊະນະບັນຈຸອາຫານ, ປລາສຕິກ, ເຕັ້ນ, ຖັງອົກຊີແຊນເປົ່າຕ່າງໆຈົນໄປເຖິງສິ່ງເສດເຫຼືອຈາກການຂັບຖ່າຍ. ເມື່ອເອົາມາລວມກັນແລ້ວ, ປະລິມານຂີ້ເຫຍື້ອທີ່ຖືກຖິ້ມຄ້າງໄວ້ນັ້ນ ມີປະມານຫຼາຍພັນໂຕນ.
ໃນຄວາມເປັນຈິງແລ້ວ, ບັນຫາຂີ້ເຫຍື້ອທີ່ເກີດຂຶ້ນຢູ່ເທິງພູເຂົາເອເວີເຣດສ໌ນັ້ນ ບໍ່ແມ່ນບັນຫາໃໝ່ທີ່ຫາກໍເກີດຂຶ້ນ; ແຕ່ພັດເປັນບັນຫາເຮື້ອຮັງທີ່ຖືກປ່ອຍສະສົມໄວ້ດົນແລ້ວ. ໃນປັດຈຸບັນ, ເພິ່ນໄດ້ມີການຈັດການຂີ້ເຫຍື້ອເທິງພູດ້ວຍການຂົນຍ້າຍຜ່ານທາງຍົນ, ຈັດຕັ້ງກຸ່ມໜ່ວຍງານຮັບຜິດຊອບໂດຍສະເພາະ ແລະ ອື່ນໆ; ແຕ່ວິທີການເຫຼົ່ານັ້ນຍັງບໍ່ພຽງພໍຕໍ່ການທຳຄວາມສະອາດພູໜ່ວຍດັ່ງກ່າວ, ພ້ອມທັງຍັງຕ້ອງການມາດຕະການຮັບມືທີ່ເຂັ້ມງວດຂຶ້ນອີກດ້ວຍ.
ສຳລັບວິດິໂອຂອງຂ່າວແມ່ນສາມາດຮັບຊົມຜ່ານລີ້ງດ້ານລຸ່ມນີ້:
#econewslaos #WorldEnvironmentDay2023 #BeatPlasticPollution
*ຂໍ້ມູນອ້າງອີງຈາກ:
https://nextshark.com/mount-everest-video-worlds-highest.../
