ວຽກງານອະນຸລັກຊ້າງ:
ການຊ່ວຍເຫຼືອຊ້າງ:
ໄດ້ຊ່ວຍເຫຼືອຊ້າງ 2 ໂຕ ຄື ຈູມບານ ແລະ ແມ່ແສງ ໃນເຂດເສດຖະກິດສາມຫຼ່ຽມຄໍາ ແລະ ໄດ້ນໍາພວກເຂົາມາດູແລຕໍ່ໃນສູນອະນຸລັກຊ້າງ.
ຮັກສາຊ້າງຈາກການບາດເຈັບ, ເຈັບປ່ວຍ ແລະ ການເຖົ້າແກ່: ສູນອະນຸລັກຊ້າງ ເປັນສູນທີ່ມີໂຮງໝໍຊ້າງແຫ່ງດຽວໃນ ສປປ ລາວ ພ້ອມທັງໃຫ້ການຮັກສາຟຣີແກ່ຊ້າງທຸກໂຕ.
ຊ້າງແມ່ເພື່ອການປະສົມພັນ: ສູນອະນຸລັກຊ້າງ ມີເປົ້າໝາຍຕໍ່ການເພີ່ມຈໍານວນປະຊາກອນຊ້າງ ໂດຍການຊື້ຊ້າງເພດແມ່ ຈາກເຈົ້າຂອງທີ່ຕ້ອງການທີ່ຈະຂາຍຊ້າງເພດແມ່ແລ້ວນໍາໄປກວດສຸຂະພາບເພື່ອໃຫ້ແນ່ໃຈວ່າຊ້າງໂຕນັ້ນມີຄວາມພ້ອມຕໍ່ການປະສົມພັນ.
ສະຫວັດດີການຊ້າງ:
ສູນອະນຸລັກຊ້າງ ແມ່ນໄດ້ລົງມືປະຕິບັດຢ່າງເຄັ່ງຄັດຕາມເສລີພາບ 5 ປະການຂອງສັດພາຍໃຕ້ການເບິ່ງແຍງຂອງມະນຸດ.
ເສລີພາບຈາກການຂາດສານອາຫານ
ເສລີພາບພາບຈາກຄວາມບໍ່ສະບາຍທາງດ້ານຮ່າງກາຍ ແລະ ຄວາມຮ້ອນ
ເສລີພາບຈາກການບາດເຈັບ ຫຼື ພະຍາດ
ເສລີພາບຈາກຄວາມຄຽດ ແລະ ຄວາມຢ້ານກົວ
ເສລີພາບໃນການສະແດງອອກຕາມພຶດຕິກໍາໃນທໍາມະຊາດຂອງຊ້າງ
ການພະຍາບານ ແລະ ການດູແລຊ້າງ: ສູນອະນຸລັກຊ້າງ ແມ່ນໄດ້ສ້າງຕັ້ງໂຮງໝໍຊ້າງແຫ່ງດຽວໃນລາວ ປະກອບມີສະຖານທີ່ປິ່ນປົວທີ່ທັນສະໄໝ, ຫ້ອງທົດລອງ ແລະ ຮ້ານຂາຍຢາ ເຊີ່ງເຮັດໃຫ້ໃຫ້ນັກວິຊາການ, ສັດຕະວະແພດ, ນັກຊີວະວິທະຍາ ແລະ ຄວານຊ້າງສາມາດເຮັດວຽກໄດ້ຢ່າງມີປະສິດທິພາບ.
ການປະສົມພັນຊ້າງ: ການອະນຸລັກຊ້າງອາຊີທີ່ໃກ້ຈະສູນພັນໃນລາວແມ່ນພົບກັບຄວາມທ້າທາຍເນື່ອງຈາກມີຊ້າງສູງອາຍຸທີ່ຫຼາຍ ແລະ ມີອັດຕາການເກີດທີ່ຕໍ່າ ເຊິ່ງຈະມີການເກີດພຽງແຕ່ 2 ເທື່ອ ຕໍ່ການຕາຍທຸກໆ 10 ເທື່ອຂອງຊ້າງຕໍ່ປີ. ດ້ວຍເຫດຜົນນີ້, ສູນອະນຸລັກຊ້າງແມ່ນໄດ້ປະສົມປະສານຄວາມຮູ້ແບບດັ່ງເດີມຂອງຄວານຊ້າງ ກັບ ເຕັກໂນໂລຊີສະໄໝໃໝ່ໃນໂຄງການສືບພັນຂອງສູນອະນຸລັກຊ້າງ ເພື່ອວິເຄາະລະດັບຮໍໂມນ ແລະ ຕິດຕາມການຕົກໄຂ່ຂອງຊ້າງເພດແມ່ແຕ່ລະໂຕ.
ໃນປະຈຸບັນ, ສູນອະນຸລັກຊ້າງ ມີຊ້າງບ້ານຈໍານວນ 34 ໂຕ, ຊ້າງປ່າ 50 ໂຕ.
ການເຜີຍແຜ່ວຽກງານການອະນຸລັກຊ້າງ: ສູນອະນຸລັກຊ້າງມີໂຄງການຊື່ວ່າ “Kids in Conservation”. ໂຄງການນີ້ເປັນແນວຄິດລິເລີ່ມເພື່ອເພີ່ມຄວາມຮູ້ກ່ຽວກັບສັດໃກ້ສູນພັນ ໂດຍສະເພາະແມ່ນຊ້າງອາຊີໃຫ້ແກ່ຄົນຮຸ່ນໃໝ່ໃນປະເທດລາວ. ໃນຊ່ວງລະດູຝົນຂອງທຸກປີ, ນ້ອງນັກຮຽນໃນແຂວງໄຊຍະບູລີປະມານ 20 ນ້ອງ ຈະໄປຢ້ຽມຢາມສູນ ECC ເປັນເວລາ 1 ມື້ ເພື່ອເຮັດກິດຈະກໍາດ້ານສິ່ງແວດລ້ອມ ແລະ ຮຽນຮູ້ກ່ຽວກັບວຽກງານອະນຸລັກຊ້າງ ຜ່ານການຢ້ຽມຊົມສະຖານທີ່ລ້ຽງຊ້າງ, ໂຮງໝໍຊ້າງ ແລະ ການອາບນໍ້າໃຫ້ຊ້າງ.
ທ່ານສາມາດສະໜັບສະໜູນສູນອະນຸລັກຊ້າງໄດ້ທີ່: https://www.elephantconservationcenter.com/support-us/
#econewslaos#elephantconservationcenter
