El Niño ມີຄວາມໝາຍວ່າ ເດັກນ້ອຍຜູ້ຊາຍໃນພາສາສະເປນ ເປັນປະກົດການ ທີ່ກະແສນໍ້າອຸ່ນໄຫຼຈາກເບື້ອງຕາເວັນຕົກຂອງມະຫາສະໝຸດປາຊີຟິກ ໄຫຼເຂົ້າມາແທນກະແສນໍ້າເຢັນບໍລິເວນຊາຍຝັ່ງຂອງປະເທດເປຣູ ໃນໄລຍະເວລາປະມານ 2 ຫາ 3 ເດືອນ ຫຼື ບາງຄັ້ງອາດຈະຍາວນານເຖິງ 1 ປີ.
La Niña ມີຄວາມໝາຍວ່າ ເດັກນ້ອຍຜູ້ຍິງໃນພາສາສະເປນ ເປັນປະກົດການທີ່ກົງກັນຂ້າມກັບ El Niño ເພາະກະແສນໍ້າເຢັນຈາກທະເລເລິກ ໄຫຼຂຶ້ນມາແທນກະແສນໍ້າອຸ່ນບໍລິເວນຊາຍຝັ່ງຂອງປະເທດເປຣູ ສົ່ງຜົນໃຫ້ສະພາບອາກາດມີການແປປວນ.
ປະກົດການ El Niño ແລະ La Niña ນັ້ນມີຄວາມສຳຄັນຫລາຍຕໍ່ສະພາບການສິ່ງແວດລ້ອມ ເພາະມັນຈະເຮັດໃຫ້ກະແສລົມ ແລະ ກະແສນໍ້າອຸ່ນທີ່ພັດມານັ້ນແປປວນ ສົ່ງຜົນໃຫ້ເກີດພາວະແຫ້ງແລ້ງ ແລະ ຝົນຕົກໜັກ.
ດັ່ງນັ້ນ, ພວກເຮົາສາມາດສະຫຼຸບໄດ້ວ່າ El Niño ສົ່ງຜົນໃຫ້ເກີດຝົນແລ້ງ ກໍຄືປະລິມານນໍ້າຝົນຈະໜ້ອຍກວ່າປົກກະຕິ ແລະ ອຸນຫະພູມສູງຂຶ້ນ. ສ່ວນ La Niña ສົ່ງຜົນໃຫ້ເກີດຝົນຕົກໜັກ ແລະ ອຸນຫະພູມຫຼຸດລົງນັ້ນເອງ.
ແຫຼ່ງຂໍ້ມູນອ້າງອີງ:
#econewslaos #climatecrisis #heatwave #ElNiño #LaNiña
